移民後的理想生活可以很美好，現實亦可能存在很大的骨感。近日有移民加拿大的連登仔大呻後悔移民，指不但搵錢少咗，整體生活質素差晒，就連想搵人傾下心事都難，慨嘆「睇唔到係呢個地方落葉歸根嘅優勢」，直言考慮「係咪應該要止蝕」。
該名移加連登仔在討論區發文話後悔搞移民，指自己當初是為了政治原因移民，但發覺當地都有相對嘅政治問題、民生問題，政府也同樣「搞唔好」。他提到，移民後，「搵錢少咗，稅高咗，出街買下嘢都要銷售稅」，形容自己「整體生活質素差晒」。
由於擔心生計，連登仔直言「成日諗生活問題，民主自由再自由都好似唔關自己事咁」，而且他認為「外國實際民主自由都唔係話真係好高」。再加上人際關係疏離，就連「搵人傾下內心嘢都難」。
連登仔又提到，「醫療都係一個好大問題，醫生都見唔到，HK假假地樓下都有個門診醫生」，而「Pension(退休金) 又要住夠10年，又要供，再講有得攞福利都40年後嘅事了」。他表示，「自己經濟未係問題，係睇唔到係呢個地方落葉歸根嘅優勢」。
他抱怨當地人工同租金唔成正比，指「依家香港都正常過呢邊，都未計嚟緊2年政府會再收多100萬印度移民」。他坦言，「移民係為咗better future，但睇唔到呢個地方可以提供到呢方面嘅優勢，就會諗係咪應該要止蝕呢」。有網民就直接留言表示，「極後悔 已回港」。
編輯：Fay
關鍵詞：連登仔移民加拿大後悔
評論
查看更多評論>>
加載中……
