大公文匯全媒體報道，移民後不但要重新適應新生活，亦要面對工作環境的問題，最近有名剛到加拿大工作的港女於網上大吐苦水，指自己於當地一間國際大公司「做咗一個月已經好想quit」，力數該公司有3大難頂位。帖文一出即引起熱議，有網民直指「加拿大worklife 仲衰過香港」。

該名港女日前在連登討論區以「溫哥華返工返到想quit」為題發文，指自己是今年的畢業生，於6月份移民至溫哥華，並好好彩兩個月內搵到工，公司不但是國際知名的外國公司，還是自己感興趣的工作，但她直言「做咗一個月已經好想quit」。

她在帖文力數公司3大難頂位，指第一日已經留意到公司全部都係加拿大人，他們「冇人會take lunch break，一路做嘢做到放工」。她憶述，自己首日由8時30分開始上班，直至下午3時才有時間叮飯食，形容餓到頭暈，「食嗰陣仲要覺得自己好X weak（弱）因為冇人食lunch」。

港女指，本以為放工會準時，點知公司內人人都超時工作，「嗰個都overtime，而且係unpaid」。她提到公司經理之前曾要求港女加班至晚上8時，當時她向經理坦言「未必做到」，因為有夜歸安全問題以及想放工後去進修，經理最後亦話ok。然而，後來老細卻向她表示「一定要stay到夜晚8點」，因為要她學習工作內容。

港女又指，當初面試時經理向她承諾，可以每個禮拜1/2日WFH（在家工作），點知上班當日被老細告知，她的的職位不提供WFH，「佢亦都冇喺interview嘅時候offer過呢個option畀我」。

港女指，一位與她同日進公司的新同事都頂唔順，已開始申請和面試新工作，「但係我作為一個new comer（新移民），send極application（申請）都冇回音」。她慨嘆，自己當初之所以離開香港，是因為覺得香港的工作文化好「toxic（有毒）」，豈料自己現在竟然「jump返去一個toxic過香港的地方」，坦言「有啲唔知自己為乜」的感覺。