（香港文匯報記者 子棠）草蜢3子蘇志威、蔡一智和蔡一傑上周六（19日）在澳門威尼斯人金光綜藝館舉行《RE: GRASSHOPPER 草蜢巡迴演唱會》，雖然蔡一傑綵排時「拗柴」要紮腳演出，但負傷上陣的他照打後空翻。草蜢成軍38年依舊活跳，仲有好多夢可以繼續實踐。
草蜢當晚在3個小時的演唱會中無間斷地賣力跳唱，蔡一傑更狀態大勇地表演後空翻。但臨近尾聲，他才透露：「前一晚綵排跳舞唔小心拗傷左腳，夜晚返到酒店房，阿智仲話做跌打師傅幫我扭吓隻腳，我即刻話唔好，唔慣俾阿哥捽腳，但我有幫自己按摩，其實今晚要用繃帶固定腳踭位置才能演出，不過現場太好氣氛，我根本都忘記咗受傷，觀眾嘅掌聲同歡呼聲，係最好嘅止痛藥。」
蔡一智備禮回饋粉絲引哄搶
旁邊的蘇志威說：「其實我好放心佢嘅傷勢，因為我哋3個都係超級運動員，少少損傷，一日應該可以復原，冇問題。」蔡一智則準備了親自設計的Tee作為禮物，回饋澳門站粉絲的支持，逗得觀眾大搶禮物包。
談到成軍38年，蔡一傑感觸說：「一隊組合喺樂壇38年，除咗大家要一直維繫住好好嘅關係，大家仲要一樣咁fit，才可以做到今時今日，所以呢條路一啲都唔容易行。」蔡一智接着說：「草蜢到𠵱家，應該達成咗五百個夢左右，仲有好多夢可以繼續實踐，希望大家將來喺任何媒體上見到我哋，會諗起香港有一隊三人組合叫做草蜢。」之後三子跳唱第一首主打歌《飛躍千個夢》，獲全場跟着跳唱。
成首隊香港組合登高雄巨蛋
他們又指，此行提早了數天到澳門作準備，感激經理人和粉絲買來大量美食，令酒店房變成了一個小型澳門美食天地。至於10月演出的高雄站，亦是相隔30年再在當地開唱，還成為首隊香港組合登上高雄巨蛋舞台，他們大呼心情特別興奮。
完騷後，蔡一傑再公布喜訊指獲某頒獎禮頒發「十大健美名人獎」，得到一座999.9千足純金獎座及獎牌，而一向努力做運動的他表示希望能keep住六嚿腹肌。蘇志威和蔡一智恭喜過蔡一傑後，打趣稱他們在健身方面「行錯路」，只能獲得「十大排骨名人獎」。
（來源：香港文匯報B06：娛樂 2023/08/22）
