（香港文匯報記者 梁靜儀）陳豪、胡定欣、蕭正楠、張曦雯、何廣沛、郭柏妍、蔣志光、朱智賢、曹永廉及林溥來，昨日出席新劇《破毒強人》 「強人對決 一觸即發」 宣傳，會上並進行破冰啟播儀式。陳豪在劇中飾演毒王，雖然從良多年久未演反派，但他初出道時於影圈經常演古惑仔，笑言夠晒經驗！
陳豪（阿Mo）與胡定欣再次合作，二人在劇中飾演毒王、毒后，阿Mo笑言從良多年久未演反派，今次更要扮沙聲：「 今次挑戰做毒梟，仲要係癌症末期病人，（你初入行都是沙聲？）我都聲沙咗好耐，以前喺影圈演古惑仔，夠晒經驗，都有回憶返當年拍戲。」
至於定欣在劇中扮演毒后兼金融女王，認為人生最重要是金錢，是個貪錢的女人，她說：「我借阿Mo啲毒品去賣畀啲客賺錢，我係佢最信得過嘅人。」至於劇中可會有吸毒場面？阿Mo指毒王自己不會吸食毒品，二人在劇中也沒有吸毒場面。
說到難忘場口，定欣透露是一場戲要幫阿Mo急救：「本來哄得好近做人工呼吸，因為我哋過去有感情，佢有啲情緒上嘅抑壓，但最後都無錫到，嗰場戲都幾難忘。」
劇集緊接收視理想的《靈戲逼人》播出， 問到二人可會有壓力？阿Mo：「今次講黑社會、毒品係大膽題材，過往少見，呢類藝術創作都唔係為收視，當然亦希望觀眾鍾意，我同定欣都係大膽嘗試嘅演員。」定欣說：「今次劇種暗黑，無綫比較少呢種題材。」
蔣志光想轉換環境而離巢
蔣志光承認去年已約滿無綫，《破》劇暫時會係他在無綫的最後一套劇，而消息傳出後，有不少電視台和電影公司邀請他合作。問到當中可包括ViuTV？他說：「有，但我未有回覆，因我做法係就算完約都要完成喺舊公司嘅工作，之後再諗。」
蔣志光又指無綫有挽留他，但他想轉換環境，問到是否與續約條件有關？他否認有關：「我向來都係只得一個條件，就係唔好迫我做我唔想做嘅事， 不過咁多年嚟都冇。」
剛由外地登台返港的蔣志光， 笑言重拾了唱歌的感覺，之後會多作些音樂上的發展：「其實我一直都有寫歌，加上現在輕鬆好多，同時都有寫劇本。（回復自由身會比之前更忙？）唔會，我都唔想做太多，我一直享受過悠閒人生活。」
郭柏妍否認耍心機博歡心
郭柏妍表示今次是入行後首個戲份較重的角色， 會有幾個不同階段的造型，雖然有壓力，但亦視作為動力。周星馳（星爺）新作《少林女足》公開招募，郭柏妍亦有拍片參與。問到是她自己想法還是公司提議？她直言是自己的想法：「之前拍完《奪命提示》見有時間，就來個小創作，（師姐蔡思貝也有拍片參與？）我都係之後先知，佢好厲害。（有冇信心被選中？）如果有機會當然想參與，因可以同咁厲害嘅前輩合作。」她又強調雖然不會踢足球，但會去學。對於被網民笑她的斜孭袋有點小機心？她解釋因當日去了主題樂園玩。
（來源：香港文匯報B12：娛樂 2023/07/28）
