（香港文匯報訊 記者 達里、梁靜儀，攝影 達里）無綫綜藝歌唱真人騷《中年好聲音登峯之戰》昨晚於將軍澳電視城舉行，決賽由車婉婉、林曉峰及許文軒擔任主持，評審團有譚詠麟（阿倫）、鍾鎮濤（B哥）、呂方、Maria Cordero（肥媽）、伍仲衡、張佳添及周國豐。周吉佩臨場發揮超班，最終由周吉佩、李佳和羅啟豪分奪冠、亞、季寶座。周吉佩獲譚詠麟頒獎，以及從曾志偉手上接過價值30萬的鑲鑽無線咪一支；而大熱門龍婷唱慢歌時失準未入三甲，但都贏了「觀眾最愛好聲音」。

六強參賽者李佳、龍婷、吳大強、周吉佩、羅啟豪與顏志恒率領一班早前被淘汰的參賽者，包括支嚳儀、曹敏寶、林鉫徫、丁文俊、涂家堯、鮑聖光及柳冕等合唱《不再猶豫》為比賽揭開序幕。

第一回合六強參賽者由李佳打頭陣出場，她唱出《明日話今天》得到86分，之後羅啟豪選唱《忘情號》得89分，而周吉佩唱《Forever Love》 就得91分，至於龍婷唱《我曾用心愛着你》得到84分，接着顏志恒唱出《爛泥》獲得83分，而抱病上陣的吳大強，雙語唱出《吻別×Take Me To Your Heart》，就獲得84分。

六強參賽者在第一回合唱完慢歌，接着再唱出快歌，李佳挑戰《熱情的沙漠》、羅啟豪唱出《疾風》、周吉佩唱出《跳舞街》，不過最尾唱錯歌詞；龍婷就唱《瘋了》、顏志恒唱出《拒絕再玩》獲校長讚有少少似英國搖滾歌手大衛寶兒，而吳大強就唱最拿手的英文歌《Sway》，校長笑指睇到大強前四後四，好似見到四哥(謝賢)。

《法言人》主角獻聲

六強表演完畢後，表演嘉賓有《法言人》主角馬國明、林夏薇、黃嘉樂、張頴康聯同部分參賽者唱出《友情歲月》，之後公布「觀眾最愛好聲音」得獎者是龍婷，並由肥媽頒獎。

同時並公布六強第一回合總分，得最高分兩位是李佳及周吉佩，二人打入最後兩強。

第二回合，由最後兩強自選歌曲比拚，李佳唱出英文歌《Greatest Love Of All》，而周吉佩就選唱國語歌《愛很簡單》，最終周吉佩以115分，險勝得111分的李佳成為王者。

周吉佩淚謝愛妻

宣布得冠軍後，周吉佩即哭成淚人，台下全晚拿着燈牌支持他的太太亦感動得眼濕濕，並叫老公：「唔好喊，唔好喊。」周吉佩邊哭邊說：「多謝《中年好聲音》呢個比賽，多謝太太，冇諗過有機會喺度攞呢個獎，好多人留言話要紅十年前紅咗，但我唔想放棄，我好鍾意唱歌，呢十年打工都係為咗唱歌，我從來冇fans，呢個比賽竟然有fans club。」

由於現場觀眾太多，部分持票觀眾不能入場，在場外起哄，更有過百名觀眾要坐在二廠看電視，總經理曾志偉知道後親到二廠安撫，更向每人送上加開的《中年好聲音夢想成真演唱會》日場門票一張作補償。

節目受歡迎　曾志偉宣布添食：第二輯招攬海外參賽者

無綫總經理（節目內容營運）曾志偉亦有到場欣賞節目，對於《中年好聲音》有好收視，他表示沒想過節目會如此受歡迎，當初很多人以為個節目做不成，又指節目老土，他說：「其實《中年好聲音》個名好淺白易明，節目初心係幫大家圓夢，因為好多人後生發明星夢，到出來做嘢就冇咗件事，現在人到中年亦都唔會發夢，所以搞個節目畀佢哋一個機會喺台上證明自己嘅實力，好多參賽者都有自己嘅故事，容易引起觀眾共鳴。」問到會否搞第二輯？他笑說：「今日嚟嘅任務就係宣布明（24日）日開始接受報名，（第二輯要求？）要再老啲囉，最重要係大家開心，或者再去搵海外參賽者，不過香港已好多人報名，會視乎反應再定。」問到會否跟六強簽約？他說：「呢樣唔係最重要，因為節目唔係幫佢哋成為全職藝人，參賽者本身有工作，做藝人唔知可唔可以養活到自己，節目係幫佢哋圓夢，唔等於要佢哋轉行。」談到心水參賽者，他謂有三四個都好突出，覺得六強已是冠軍，最難得一班參賽者都做到朋友，相信誰人贏出大家都開心！

另外，節目主持車婉婉、林曉峰及許文軒宣布下月13日在九展Star Hall舉行的《中年好聲音夢想成真演唱會》將加開14日一場。

（來源：香港文匯報A15：娛樂 2023/04/24）