大公文匯全媒體報道：現時劏房租金呎價比豪宅更高，很多基層市民缺乏議價能力。最近一名港女分享自己在深圳租樓的照片，月租$2,100港元入住一個位於福田口岸附近的260呎開放式單位，每日花3小時來回港島區返工，網友對此反應兩極。

港女在fb群組「深圳大灣區吃喝玩樂開心分享區」發帖，她以「愛上深圳、住埋喺深圳」為題發帖，從上載的照片所見，房間內有一張碌架雙人床、一套廚櫃、書枱及衣櫃，亦有抽油煙機、冷氣、熱水爐等電器，不過就景觀欠奉。

她表示，房子的位置在福田口岸附近，25平(約260呎）、月租$1900人民幣(約港元$2100)，如果低層更便宜，只租$1700人民幣(約$1900港元)，不過因為她怕嘈吵，所以加了$200人民幣租下高層單位。她更大讚屋苑「管家小哥」真係好抵讚、好體貼、做事企理、有禮貌。

樓主亦提到自己是在港島區銅鑼灣返工，不過經過她的實測後，她表示「唔係好辛苦，因為住得好近口岸，大約一個鐘20分鐘可以去到銅鑼灣」，每日約花3小時來回深圳與香港。她認為，「其實除笨有精，一個月返工多咗嘅交通費，都慳過喺香港租樓一大截」，再者她工作性質「一半嘅工作喺深圳，另一半嘅工作喺香港」，所以不介意居住在深圳，坦言「其實我一個人住冇乜大要求，最緊要就係慳錢而又住得舒服」。

帖文一出，網友反應兩極，有網民看過相片後大讚單位抵租，「望落都好企理，好過香港住劏房」、「最緊要舒服，近關口又方便，放假係深圳行街食嘢好方便，雖然搭車辛苦啲計返平過劏房！」不過，亦有網民揶揄以為竹篙灣開番，「好似我住咗10日嘅竹篙灣」。