（香港文匯報 記者 梁靜儀）馬國明（馬明）、唐詩詠、陳山聰、 劉穎鏇、劉佩玥、江美儀、林子善、郭子豪及趙希洛等，昨日到紅磡出席無綫劇《隱形戰隊》 「復活之戰」宣傳活動，適逢今個月13日是林子善生日，擔任主持的他在活動尾聲時被監製文偉鴻整蠱，在台上指他講漏嘢有片段未播，把他嚇了一驚，之後工作人員推出生日蛋糕，令子善感動得眼紅紅，眾人一起唱生日歌，好友唐詩詠更送上生日香吻。

林子善強忍淚水說：「我最怕真係漏讀稿，講漏咗贊助，我都估到會咁，因為山聰知我生日，但最驚喜係監製整蠱我，以為自己真係講漏嘢，我好多謝監製十幾年栽培，因為鬧得好甘，但令我反省。」 最終他亦感動得落淚。

活動上眾人分組玩遊戲，安排男演員從後抱起女演員食冬甩，其中江美儀與郭子豪這一組最落力，江美儀雙腿夾實子豪的腰部，再拗腰食冬甩，腰力驚人，睇到台下觀眾嘩聲四起。

唐詩詠被笑指似小丸子

已約滿的唐詩詠，亦有幫手宣傳活動，一身恤衫配連身紅裙，黑鞋白襪打扮的她被其他藝員笑指似小丸子。詩詠與馬明一起接受訪問，問到二人可有機會再合作？馬明表示一定會有機會合作：「冇話冇機會，離開咗TVB，𠵱家阿佘都返嚟拍啦， 睇詩詠個期啦，要講緣分。」 詩詠稱今次個劇幾好成績都開心，再合作要講緣分及誠意。問到馬明是否已叫詩詠留檔期出席其婚禮？馬明笑指詩詠很忙，要看她是否得閒。

恢復自由身後詩詠感覺是一個全新的體驗，雖然很多事都要自己去傾，但自己都幾享受，稍後便會拍劇。問到會否返內地工作？她謂之前都有返過，對所有工作都係持開放態度。問到友台可有接洽她？詩詠以宣傳劇集為由避談。至於親自傾工作酬勞時可會感到尷尬？她說：「好開心開咗價錢唔使我再傾，好感恩大家愛護我。

馬明表示很羨慕詩詠可以揀工作：「自己只係小職員，唔可以揀工作(你係公司台柱，公司冇你唔得？)公司有好多台柱， 我剩返《法言人》同拍緊嘅《NEWS新聞女郎》就冇接到新劇喇。」 說到他大可與詩詠合作拍廣告？恨拍廣告的馬明即說：「 拍廣告我都想呀，父女檔都得， 最緊要有廣告，可以有好多組合，不過同阿湯(女友湯洛雯)就未接到廣告，(奶粉、尿片廣告？)咁快？不勝歡迎，總之乜都得。」 詩詠提議可以拍藥水膠布廣告，因為拍戲很多時都會受傷。

陳山聰劉穎鏇角色結局受關注

劇集進入結局周，陳山聰和劉穎鏇(Tiffany) 被問到角色最後會否死亡時，二人不肯透露，只稱會有危機及不少動作場面，山聰說：「我同馬明會夾擊陳展鵬，打到分出高下為止，我哋三個第一次同場合作， 場打戲拍咗成日。」山聰又稱多謝監製勞苦功高，大家也不負他所託，並很開心見證合作多次的Tiffany終於長大，他笑說：「邢風着背心帶領潮流，𠵱家好多人拍低衣櫃裏嘅背心，傳畀Tiffany睇，我覺得可以同Tiffany合作推出邢風系列背心。」 Tiffany亦想一試， 希望找潮流教主山聰幫手設計。

（來源：香港文匯報B01：娛樂 2023/04/11）