（大公文匯網特約記者 陳惠芳）香港國際電影節今日(9日)閉幕，被選中為閉幕電影的《送院途中》同時舉行世界首映禮，古天樂與童星蘇悅弦等人出席。

古仔在戲中飾演救護員，他指戲中有幾幕大型的意外事故場面，他認為最重要是學懂如何去冷靜處理及判斷，這是最大難度，他又講到電影帶給觀眾療愈感覺很重要：「尤期係疫情，所有人都要戴住口罩，所以療愈係好重要，我近期都有接觸音頻治療。（因為好大壓力？）唔係，我想研究吓可唔可以將呢樣嘢發展成下一套電影題材。」

古仔再度飾演父親，而扮演其女兒的正是參演《明日戰紀》的童星蘇悅弦，「父女倆」再續前緣，古仔表示純粹因為「夾囉」：「同佢拍戲好好笑，佢問我點解成日唔講嘢，我話我唔係好多嘢講，同佢合作都有啲緣份，千祈唔好話佢冇咩做，佢勁過我，好自然咁就喊岀嚟」。

今次古仔首度挑戰救護員角色，他表示感觸良多：「醫護電影比較少拍，要好趕時間去救一個人，但自己未必有充足時間去照顧屋企，最感動地方係要面對屋企人離開，反映到醫護人員嘅艱辛，壓力好大，工作同家庭」。古仔亦指出每日開工都有真實救護員教路：「最後一個case係真人真事，學到好多，比上急救班學到更多，救護員好偉大」。

此外，古仔早前憑電影《明日戰記》獲封華鼎獎最佳男主角，他坦言好開心：「有啲意想不到，估唔到科幻片都可以得到最佳男主角，我好難形容我嘅心情，多謝大家支持，希望之後可以開拍更多唔同題材嘅電影，例如今次嘅急救題材，都係比較少開拍嘅電影。」

更多報道：

香港國際電影節閉幕　古天樂主演《送院途中》世界首映