（香港文匯報記者 子棠）陳奕迅（Eason）的紅館演唱會前晚舉行第三場，他同樣狀態大勇，獲歌迷形容他為阿根廷球隊的隊長美斯。搞笑的是他還臨場加演簽CD，獻出自己的紅館第一次！

雖然為配合演唱會主題，要一口氣連唱29首歌才會稍作停頓跟大家打招呼，沒料到當晚Eason邊唱邊走近舞台邊時，有觀眾把握機會一博，拿出CD索取簽名，意想不到的是Eason竟然答應，接過CD後，他笑言：「我好似未試過做做吓演唱會簽CD……」；繼而問對方的名字，觀眾報上名後，他又問：「睿智，係咪智慧個智？」對方大叫： 「士心志呀！」Eason笑道：「咁你今晚改名啦，哈！哈！」然後把簽名CD送回給對方，並且伸手跟他互擊拳頭。

演唱會後，Eason表示：「我最後係簽咗『睿智』，因為我已經寫咗……冇計！」唱完歌後，Eason返回樂手位置拿消毒藥水噴手，做足防疫措施後再解下耳機，享受觀眾呼歡及叫聲，並笑謂：「邊一個發明耳機？係有啲掃興㗎。（上世紀）八十年代喺紅館睇騷，雖無耳機但即時反應係好正。今晚你哋都好正，冇理由我唱緊歌你哋都仲狂叫，但係我雖然聽唔到你哋啲聲，都見到大家眼神，仲有嗰啲燈牌，你睇……成晚睇住『肥陳』兩個字，其實好掃興……哈！哈！」歌迷即換上「歌聖」燈牌，Eason笑道：「歌聖？歌手算啦……我都就嚟50啦，又唔係走偶像派，仲有燈牌，I'm Still Hot！woo！」他又搞笑任由歌迷用手機拍他並說：「你影我啦，你唔影我，我覺得自己冇存在價值。」

他又指成功在演唱會由頭到尾無間斷地唱歌，感覺好正，獲得觀眾熱烈反應，令他感動哽咽，忍着想喊的情緒。完騷後還得到觀眾瘋狂於他的頻道洗版留言狂讚 「陳奕迅唱歌真係等同美斯踢波，一有Feel就無敵！」

（來源：香港文匯報A30：娛樂 2022/12/13）