不時有移民英國嘅黃絲圍爐大呻外國生活不如理想，難搵工、使費貴，生活壓力大。偏偏日前就有位移英「黃師」唱反調，話本來諗住唔做嘢，為咗打發下時間，便四出打風流工，做過照顧員、廚房、司機、搬運工，份份工都嫌辛苦，返得2個月就辭職。不少「同路人」睇完就「火都嚟埋」，鬧爆佢份份工咁玩法，不但會煩到僱主，仲會影衰香港人。
該名移英「黃師」在fb專頁「香港人移民英國資訊分享」，以「老鬼返工實錄—」為題投稿，介紹自己是一名年屆55嘅香港教書佬，過咗英國兩個月，話本來諗住唔做嘢，得閒到處遊歷，增廣見聞，但原來係會悶嘅，所以就試下搵工，講明只係想搵一啲唔使點用腦嘅工，打發下時間，兼且學下新嘢，所以主力搵一啲未做過嘅工。
結果又真係有人請佢喎，首份工作係做照顧員，負責一位患咗癌症而有學習障礙嘅伯伯，「黃師」指對方一直係坐喺輪椅、流口水，直言要8個鐘喺室內照顧伯伯，應該做唔到，所以就婉拒咗份工。之後，「黃師」又陸續做過廚房、司機、搬運工，但份份工唔係嫌辛苦，就係嫌太遠，返得2星期至2個月就辭職。
不少「同路人」睇完佢啲經歷後，都留言鬧爆「你每份工做兩三個月，出糧畀你嗰個會好麻煩。我諗人哋以後都唔會想請香港人，你幾廿歲可否替僱主諗吓？」、「遲下會唔會一聽到香港人個名就怕怕」。
（來源：點新聞）
編輯：青藍
關鍵詞：移民英國黃師打工辭職影衰晒
評論
查看更多評論>>
加載中……
