（香港文匯報記者 梁靜儀）17歲的炎明熹（Gigi）近日在王祖藍主持的綜藝節目《有個閨密叫祖藍》中亮相，並透露計劃30歲結婚，理想對象要似多啦A夢，讓人發現這位「火星女孩」的童真一面。

在節目中「遊戲王」Gigi在製作組安排的「閨密快問快答」、「潮語知多少」、「猜猜畫畫」及「代溝測試」環節中，先後展現古怪思路，不過Gigi內心世界其實與一般17歲中學生無異，在學校中有兩名要好的「閨蜜」，除了會協助她上網課，又不時會與她分享心事及為其打氣。Gigi又與其他少女一樣，一早已計劃好戀愛之路，早與家人商量好理想結婚年齡為30歲，理想對象要像多啦A夢，令祖藍哭笑不得。

讚姚焯菲分析力強

談到與After Class成員姚焯菲（Chantel）、鍾柔美（Yumi）及詹天文（Windy）關係，Gigi對三人讚不絕口：「Chantel比較成熟，有時做訪問或者要做抉擇，對我嚟講都比較困難，但佢竟然可以分析畀你聽，一句一句咁，令我覺得好有道理。Yumi就非常活潑，係氣氛擔當，Windy就搞怪啲。」Gigi又慶幸首屆聲夢學員都不是爭勝心強的人，覺得好難得。

最怕成話題終結者

Gigi又直認參賽《聲夢》初期完全融入不到其他學員之中：「我比較怕醜同慢熱，有時我要諗到傾咩我先想講，否則停咗喺度我會好尷尬，（覺得自己似外星人？）係，嗰時未知道點樣同大家溝通得良好啲，或者驚自己成話題終結者，覺得自己成日都九唔搭八，有時我聽唔明人哋某啲用語，我會畀咗反應先，然後就偷偷地喺屋企查返個term係咩意思。」祖藍聞言即勉勵Gigi：「其實你唔使怕話畀人聽『我唔明』。」Gigi聽畢即一臉認真兼連連點頭，十分可愛。

另外，在myTV SUPER播放的加長版中，祖藍說了「給17歲Gabby的話」：「17歲係好興奮嘅年紀，相信你已經有自己嘅世界，你要繼續好似Gigi咁努力追夢，鍾意做乜就做乜。屋企道門永遠打開，有事就話畀我聽，冇事就自己享受青春啦。」Gigi聽畢更感動至眼濕濕，指祖藍心態與自己父母猶如倒模；之後二人又合唱《世上只有》，更向家人隔空發表「愛的宣言」：「有啲咩嘢煩惱，都可以同我講㗎。」被祖藍讚孝順，話題時刻離不開家人的Gigi坦承屋企人是不可以缺少的。

（來源：香港文匯報A27：娛樂 2022/09/20）