（大公文匯全媒體 特約記者 陳惠芳）新晉導演應智贇自編自導，鄭伊健、周家怡率領一眾新晉演員包括李靖筠、陳海寧、鍾雪瑩主演號稱揸流攤運動喜劇《深宵閃避球》將於10月6日上映，9月24日起推出優先場。電影大走清新日本漫畫風格，片中演教練伊健大玩親民，跟運動員打成一片。
鄭伊健在片中飾演熱血教練劉Sir，他笑言教人亳無章法：「呢個劉Sir一開始都係抱住打份工心態，不過收得人工都想交到啲成績向上司交代，但不經不覺投入咗呢隊球隊。劉Sir嘅特訓就係由零開始，佢係同班女仔一齊學習，有時仲係人云亦云咁去訓練，用自己嘅經驗同觀察力，拎出自己熱愛做運動嘅心態去幫呢八個女仔。」
伊健又透露劇組上下都是零隔膜：「我拍呢部戲好開心，呢部電影有來自不同年代的台前幕後，包括監製羅志良、我、家怡、導演應智贇、閃避球隊8位女生，甚至幕後班底，大家混埋一齊已經唔容易，但大家戲裏戲外都好團結好認真去做，今次感受到成班人好齊心去做。」
編輯：江月
關鍵詞：深宵閃避球鄭伊健熱血教練日本漫畫
評論
查看更多評論>>
加載中……
