（香港文匯報記者 梁靜儀）王祖藍擔任主持的綜藝節目《有個閨密叫祖藍》，本周日（11日）晚播出的一集，請來近年罕有在無綫亮相的陳松伶（松松）做嘉賓，原來松松與祖藍也是透過《閨密》才正式首度會面，二人之前一直只靠短訊建立感情。有「男神收割機」之稱的松松更暢談與四大型男的合作點滴。

在本集限定的《網友快問快答》中，祖藍對松松可謂瞭如指掌，二人閒談間更驚揭不少共通點，松松某些特質更「倒模」王太李亞男，祖藍與松松老公張鐸則「臭味」相投，把松松嚇得掩臉尖叫：「你（指祖藍）居然都係咁？要Blacklist呀！」二人又大方分享夫妻相處之道，包括「老夫老妻愛情保鮮法」，更分別大爆張鐸及李亞男的超甜蜜行為。

為了配合松松「男神收割機」身份，製作組專誠替松松度身訂做「黎明」、「鄭伊健」、「張智霖」及「張鐸」等型男「姓名條」，並配合不同類型的「問題」，讓松松抽籤並逐個講述合作感受及相處趣事。多位男神中，松松指與伊健合作次數最多、多達7至8套劇集，並指性格慢熱內斂的伊健，隨着合作漸多變得相當照顧她，並曾勸她別再拍戲：「最好笑係開開吓工、凌晨三點零，佢突然話你唔好再拍戲，你去返學啦；我就『喲，好的』。」

燙傷腳入院卻試鏡成功

至於松松出道作品《天涯歌女》拍檔黎明，松松坦言感激對方教會她不少東西：「嗰時我只係學生，佢已經係當紅小生，我記得我係着住校服返TVB，返到公司仲要除校服、着旗袍同戴假髮。你知一個學生，好少同陌生人食飯應酬，佢就叫我可以花多啲時間同同劇嘅人食飯，但我嗰時個腦入面除咗講對白就係做功課。」

松松又驚爆《天涯》的面試地點是在醫院：「我嗰時燙傷咗隻腳，我煲雞腳湯，點知個瓦煲下面穿咗，啲熱湯就『蓬』咁樣（流落對腳）。監製去醫院睇我時，見到我好似好可憐咁，就順理成章揀咗我拍《天涯》。」

當時既要讀書又要拍劇工作的松松，休息時間甚少，她並搞笑地唱出當年創作的「OT之歌」：「『日日06到27，27之後又返工~』，有歌唱㗎我哋。現在叫我瞓3個鐘，我會打死你。」

松松又即席表演「閨密版尋人記」，隔空向當年暗地裏幫過自己抄筆記的中大同學道謝：「我嗰時成日做唔切功課，但喺車頭同Locker永遠貼滿晒Reference，啲同學幫我搞掂晒，我到現在都唔知邊個幫咗我。」

（來源：香港文匯報A32：娛樂 2022/09/09）