勾連「台獨」組織、搞眾籌「助養」逃台「黑魔」的網台D100主持「傑斯」尹耀昇，日前承認一項煽動罪及3項洗黑錢罪，案件押後至10月7日判刑及正式頒布充公令其487萬元資產。前立法會議員邵家臻日前去探過傑斯監，原來傑斯以為上周五（2日）會判埋刑，點知要等到10月，話日子異常難捱，寢食難安咁話喎。
話說上周五傑斯太太和女兒都無到庭，原來係佢哋一家人嘅共識，皆因9月1日是女兒嘅生日，傑斯要求她一定要過得快樂，唔好到法庭旁聽。傑斯女兒原本喺外國讀緊碩士課程，8月上旬返香港畀驚喜爸爸，令傑斯當時隔住玻璃見到個女時，企喺度喊咗5分鐘，不能言語。
邵家臻引述傑斯話，要同女兒「鬥快」，睇吓女兒先畢業定係佢「放學」先喎。只不過，個女還有一年就畢業，睇嚟傑斯實輸梗喇。
（來源：點新聞）
編輯：青藍
關鍵詞：網台主持傑斯尹耀昇煽動罪洗黑錢
評論
查看更多評論>>
加載中……
