（大公文匯全媒體 特約記者 陳惠芳）藝人陳貝兒因主持紀錄片《無窮之路》而人氣急升，並獲頒「感動中國2021年度人物」和「最佳女主持」獎項。她入行接近20年，對於兩位前輩汪明荃及鄭裕玲多年來屹立不倒，陳貝兒從與其合作中悟出其中奧秘。
陳貝兒表示跟兩位前輩合作多次，欣賞她們非常認真及專業，並從中獲益不少：「佢哋做咗咁耐，瞌埋眼都知道點做，但係佢哋嗰份熱情同投入就好似初入行一樣。佢哋會將台詞背到滾瓜爛熟，連我嗰份都背埋，根本唔駛要稿。而台前嘅形象更係聲色藝俱全，連指甲油都要襯晒套衫，呢樣我真係學到嘢，由衷佩服。」陳貝兒更言汪阿姐很疼她，因為錄影廠特別冷，做司儀穿的晚裝又單薄，阿姐常常提醒她要貼暖包以免着涼，還細心地教她貼在最適當的位置，既保暖又纖巧不顯眼。她坦言越來越喜歡阿姐。而Do姐（鄭裕玲）生活有規律，常處於巔峰狀態，同樣佩服。
陳貝兒因拍攝紀錄片讓她經常飛往異地開闊眼界，更自覺是個幸運女孩。她表示紀錄片中，一班過埠新娘勇於爭取幸福的愛情故事，以及內地貧困百姓抱着樂觀信念、咬緊牙關生活的情況，均令她領悟到人生是否走向一條「無窮之路」，視乎自己用何種心態去面對生活。做人要接受自己的遭遇，命運則掌握在自己的手裏。「我拍了三集《嫁到這世界邊端》，我同呢班過埠新娘好似朋友一樣，我哋有個群組，好似同學會咁，經常都會互相鼓勵。」她說自己工作非常辛苦，但對工作她不會追求舒服。被問及會否渴望遇上一位能打動自己的男子時，她答道：「真係要隨緣，我都相信緣份。而家我好積極咁去面對眼前嘅工作同生活，珍惜身邊所有屋企人、朋友，其實最重要嘅就係開心自在。」
提到正在內地拍攝的節目，陳貝兒透露這次會上山下海，走得更遠，挑戰更大：「今次我仲要潛落水底，當時我真係好驚好驚。不過，（從呢啲經歷）我想到生命，最重要係把握嚟到地球，以人類呢個身份去見多啲、學多啲。我係佛教徒，我相信有來生，如果你唔信有來生，亦都唔好辜負今生呢一次嘅旅程！」
陳貝兒父親是著名音樂會監製陳永鎬，所以她經常在紅館「放暑假」。當年譚詠麟、梅艷芳在紅館開演唱會期間，她就在後台做暑期作業。「我覺得天王巨星好親切，佢哋喺台上發光發亮，台下就好似大哥哥大姐姐。我記得梅姐最鍾意帶我入佢嘅化妝室，幫我戴上佢啲頭飾，嗰啲森巴舞嘅頭飾好靚。譚詠麟請我食好多嘢，而哥哥張國榮就最鍾意拖住我哋去食宵夜。不過，我從來冇諗過要去紅館開騷做歌手，有人想提名我參選香港小姐，但我最有興趣嘅都係做司儀。」
更多閱讀：
