懷念香港味道　移英港人郵寄海味隨時犯法

大公文匯全媒體報道，不少移民英國的港人，在異鄉嘅日子耐咗，難免會懷念家鄉食物。有商家吼準機會，推出「一條龍」寄貨到英國嘅服務，其中包括海味、中藥等貴價食材。然而，這些食材不少都被英國列入在管制範圍，一旦被海關發現，恐遭罰款或監禁，甚至影響居留申請。

有報道指，近期香港有網店及實體店，均稱可送貨至英國，郵寄貨品以海味最受歡迎，客人可經店家購入真空包裝的花膠、鮑魚、海參、瑤柱、臘腸和蝦米等，直接空運至英國，運費實報實銷。不過，英國設關稅及增值稅，如產品價值超過一定價格，郵件會被扣留，要收件人付咗稅後先寄出。有海味店為吸客，聲稱會將食材統一報為「Dried food（乾貨）」，以降低稅項，但實際上已觸犯法例。

英國有嚴格的進口規定，禁止從外地寄入肉類、海鮮及奶製品，不少植物類和動物類草藥亦不得入境，而且在當地被禁用，包括港人常見、常用的藥材，例如牛黃丸中的牛黃，便是被英國禁止入境的動物類草藥。一旦被當地政府查出，輕則被沒收，重則有機會遭罰款或監禁，連帶影響居留申請㖭。