聲萝傳奇2｜23學員「喜提」吉祥物　趙紫諾黃洛妍被森美睇中做新抱

（大公文匯網 記者 梁靜儀）無綫大型歌唱真人騷《聲萝傳奇2》將於6月11日（星期六）隆重登場，23位學員日前正式公開亮相後，隨即密鑼緊鼓地進行各項排練。為了增加廣大觀眾對學員的認識，大會特别邀請著名插畫師麥雅端 Prudence@ Chocolate Rain 專程為學員度身設計一系列吉祥物，以學員不同的性格及特徵為設計藍本。另外，大會更安排了印有該系列吉祥物的《聲夢傳奇2》主題巴士，不定時於港九及新界各區行駛，為學員們集氣，並於今日（15日）舉行啟航禮。

23位學員手持吉祥物造型紙牌會見傳媒，當中的吉祥物名稱有「添飯」、「十邊形」、「燈神」、「通粉」、「蕭幫」及「狂落鹽」等。

學員當中年紀最大的是29歲金永衡(Christopher)，年紀最小的是13歲的趙紫諾(Sabrina)，而24歲的黃洛妍(Janees)就有最強履歷。廣東話未算靈光嘅趙紫諾，受訪時以英語回答問題，問到會否擔心影響比賽表現？她坦言有一定影響:「心情好緊張，都有用好多方法練廣東話，某程度上一定有影響。」金永衡就指趙紫諾的廣東話已有不少進步，至少都聽得明。

被問到為何29歲才報名參賽時，金永衡坦言很遲才知有比賽：「上一屆我係睇到電視宣傳至知，都趕唔切報名。（你本身做乜職業？）做貿易同兼職駐場歌手。」

23位學員中，森美「睇中」醫科出身的趙小婷、鋼琴演奏級的趙紫諾，以及小提琴演奏級的黃洛妍：「可以考慮吓介紹畀我個仔識，佢18歲嘞。呢啲做新抱真係唔錯，第時老咗可以免費睇醫生，或者搵唔到食就叫個新抱出嚟演奏。（諗住幾時介紹？）等最尾嗰場，實有人覺得自己表現唔好而喊，咁我個仔就可以上前安慰嘞。」問可會順便「揀女婿」，森美即答：「暫時冇心水，唔覺得有邊個才華好過我，或者等佢哋十年後紅咗先啦。」