（香港文匯報記者 梁靜儀）《聲夢維港Party Together 演唱會2022》將於明年1月1日元旦晚上，於中環海濱活動空間舉行，現場設有16,000個座位，當晚有份演出的歌手包括鄭俊弘、菊梓喬、炎明熹、姚焯菲、冼靖峰、谷婭溦及施匡翹等，一眾歌手昨日到紅磡出席記者會。對於太太何雁詩早前剖白自己的感情世界，鄭俊弘表示過去的事不用重提，強調婚姻生活愉快，而太太都會分擔家務。

鄭俊弘（Fred）對於太太何雁詩在頻道節目重提當年介入他與其未婚妻Beebs之間，淪為第三者，又首次承認曾與謝東閔拍拖，Fred說：「我冇睇到，事前佢有同我講會上節目，但冇講內容，要問一問佢。（會否叫太太封嘴？）我哋家開開心心結咗婚，過去嘢唔好提。」對於太太自認說話唔經大腦，問到Fred可認同？他笑說：「佢個人就係咁，工作又『大頭蝦』，做事有啲疏忽，個人好亂。」他又踢爆平日太太甚少做家務，日前吃飽飯竟然主動執枱，令他「O嘴」，簡直是天大喜訊，他笑說：「平時都係我做，唔知佢黐咗邊條筋，但係開心嘅，不過第日又打回原形，結婚後佢真係改變咗，平時唔會放狗，家會同我分擔家務，佢仲會煮飯，我就喺旁邊洗碗，否則個廚房似打完仗咁。」

Chantel叫Gigi多吃維他命C

另外，對於當晚面對16,000位觀眾獻唱，炎明熹（Gigi）表示應不會驚，當晚家人亦會到場觀看，而父母就會睇電視直播。至於姚焯菲（Chantel）笑言現時還未識驚，問到爸爸今次可有撲飛睇演唱會？Chantel笑說：「唔知爸爸有冇撲飛。（你買飛畀佢？）唔會買畀佢，我冇錢。」

說到當晚適逢是「2021年度叱咤樂壇流行榜頒獎典禮」，早前無綫總經理（節目內容營運）曾志偉就「開綠燈」批准Gigi出席，Gigi說：「相信公司會安排。（可覺得辛苦？）唔覺辛苦。」早前Gigi因抱恙出席活動而跌倒，她透露現時身體已康復不少，只是有少少流鼻水。身旁的Chantel就笑說會睇住Gigi，又大讚對方好堅強，自己反而容易病，她說：「我好易病，平時有飲維他命C，都有叫Gigi姑丈畀佢飲。」說罷她即場touch wood，Gigi聞言即化身成木頭人，搞笑說：「I'm a tree. Touch我啦。」Chantel隨即摸一摸Gigi，又叫Gigi自己Touch自己，十分搞笑。

菊梓喬（Hana）表示日前生日原本打算跟妹妹及友人一起露營慶生，惜天氣突然轉冷以致取消，Hana笑說：「冇人夠膽去，太凍喇，改為同妹妹去食飯，由於未來兩星期工作都已經排滿，可能要到下一年至去。」 Hana表示能參與元旦演唱會很開心，都希望能跟其他歌手合唱，她說：「可能我啲歌比較慘又比較靜啦，難crossover，就算我跳舞手腳唔協調，但都搖兩下，新年日子梗係要開心吓。」

談到吳若希指跟她「唔啱Key」，所以二人從未合唱過，對此Hana解釋因自己的偏低音，而對方則較高音，所以音域不夾，希望稍後有歌曲的音域較闊，亦不抗拒合作。