（大公文匯網記者　梁靜儀）肥媽(Maria Cordero) 今日母親節到尖沙咀出席《大灣區活好D分享會》，活動後便趕回家跟家人玩大富翁，繼而一同食海鮮餐慶祝。她表示早一晚就更準備好食材，很容易便煮好，因為大部份仔女都在英國同美國，所以只得八個人食晚飯，但都一樣咁開心。

日前肥媽應邀上無綫節目《日日媽媽聲》，獲子孫越洋祝賀母親節外，其中從未曝光的47歲兒子更驚喜現身。肥媽指這個兒子從未公開見過人，又笑指有人奇怪她家中的子女膚色又黑又白，她表示有些是同前夫生的。提到兒子勸她退休?肥媽笑罵兒子說：「我依家都半退休，我鍾意煮o野食，鍾意同人傾偈，都shot o既，成日叫人退休，退乜鬼o者，如果我完全唔做嘢，我可能會病，畀返o的自由我，我o係屋她煮。擺上網都唔得。」問到是否因TVB改革後減少煮食節目，她要轉移陣地改在網上平台教煮餸？肥媽說：「畀時間佢哋改革啦，以前合約係一年拍一輯，原本今年三、四月拍，但因為疫情嚴重，如果帶住十幾廿人出去拍攝又真係太危險。」

疫情期間經常開live做直播的肥媽，表示在家中做直播不單方便又舒服，收入更勝拍電視台節目，她笑說:「我上樓化好妝著睡褲、拖鞋就可以做直播，方便又舒服，每個月我只係做四日，都已經有六位數進帳，(收入好過拍TVB?)一定啦，最高試過一個月有40幾萬，因為同人推廣產品有傭金，目前做網上直播已有三、四個廣告，仲有十幾廿個考慮緊，因為有得揀，我要用過食過至推廣，好自由。」