（大公文匯新聞記者 陳惠芳）陳凱琳（Grace）的媽媽陳劉惠嫻（Connie）日前為車淑梅的港台節目《舊日的足跡》擔任嘉賓，暢談自己一對龍鳳胎，她更表示今個母親節最熱鬧，因她多了新抱，也添了孫兒。

Connie透露子女會親自下廚，一家人也會外出用膳，笑言已任由他們擺布，總之要健康開心，日日都是母親節。曾有人將Grace與龍鳳胎弟弟Derek的混血兒標致外貌與大女兒Joyce作比較，更有傳大女兒曾因為妹妹生得較漂亮而感到自卑，Connie說：「其實Grace同Derek龍鳳胎出世時，同大家姐一樣非常白淨，但到14、15歲時候，眼大了、臉尖了，阿仔鬚根多了，可能我媽媽是馬來西亞人，擁有亞裔容貌，細路又喜歡戶外活動，又或者加拿大的食物有好多荷爾蒙啦！」

Connie續說：「Grace好愛家庭，好愛家姐、崇拜家姐；而Joyce就好有創意，家中聚會都她安排，令到所有人都好開心。Joyce 5月生日，妹妹已經為姐姐整了個生日蛋糕！」

提及Grace事業剛起步便受到鄭嘉穎熱烈追求，傳聞當時陳媽媽並不接受，Connie直認不諱：「係呀！一、我唔認識佢（嘉穎）；二、聽聞佢好花弗；三、年紀都有少少影響，怕佢只係玩玩吓。但我唔可以一刀切，始終大家都係成年人，我初時唔想見佢，因為我驚唔知點面對佢同相處。我真係好驚，好唔開心，唔知點算好，因為呢次係Grace嘅初戀，Grace就提議大家分開祈禱，結果，祈禱中，上帝要我主動去認識佢……」Connie記得首次見嘉穎，他表現好熱情和有禮貌，是誠實好孩子，值得尊重，她說：「心入面係唔應該諗佢搶咗我個女，或者佢哋2、3年之後會散啦，更唔應該無奈地、死死氣地承認佢哋一齊……（於是）我繼續禱告，經過多次溝通，我哋先至互相接納，至可以融為一體。」