自爆內地入貨遭海關沒收 「黃絲」圍插周小龍「無骨氣」你點睇？

大公文匯全媒體報道，黃店老闆周小龍噚日喺fb發帖，稱東莞海關沒收其產品，抹黑內地官員。不過，此舉卻暴露咗佢嘅產品原來係內地製造，搞到有黃絲都留言叫佢畀啲骨氣。

此前，周小龍為「博出位」，喺位於荃灣嘅店內放置一座約兩米高、手持代表黑暴運動旗幟嘅所謂「香港民主女神像」，更親手插上「港獨」旗。開口埋口反中，身體卻幾誠實。周小龍噚日發帖聲稱自己係一個「和理非的生意人」，「經常都向其他生意人解釋，我們不應該為反而反打壓國內（內地）民企，不應該不發訂單到國內（內地）」。他又聲稱：「東莞海關反而打壓我產品，說我產品宣揚『黑暴』，把貨物全數沒收不得出境。」無端造謠啲貨物係俾內地官員「佔為己有」云云。唔少蒙在鼓裡嘅黃絲終於知道，原來Chickeeduck嘅產品係內地製造。「陳漢威」就話：「我有小小意見，香港製造可以嗎？成本貴就賣（貴）D（啲）。」周小龍就答：「收到。」而「Ming Ying Liem」就好明白佢咁話：「Feel到周老闆做咁多嘢唔係為利益的。」

如果真係咁，佢一路喺內地製貨係為乜？