（大文新聞網記者 梁靜儀）香港小姐亞軍陳楨怡、陳曉華、陳婉衡、王菲、蔡嘉欣、游嘉欣及盛勁為今日出席於將軍澳電視城舉行的《明珠 930:生化危機》 系列電影記者會，眾人分組玩遊戲，輸了的蔡嘉欣反白眼扮喪屍，十分搞笑。

膽小的陳楨怡對自言很驚喪屍，平日甚至連鬼屋都不敢入去玩，很多時是做幫朋友拎手袋的一個，不過她又很喜歡睇鬼片，試過一次與女性朋友入戲院睇鬼片，因為太驚嗌得太大聲而被其他觀眾望住。 問到可有男仔約他去睇鬼片？ 她笑說：「我唔會去， (驚啲男仔仲驚過啲鬼？)係呀。」

說到她近日在社交網上載幫襯米芝蓮餐廳食過千元的午餐相，被指相當富貴，但隨後被拍到食魚蛋粉、搭小巴則被讚「貼地」。她笑說：「米芝蓮餐廳唔係成日食，諗咗幾個月至去，最嬲原本可以買一送一，因為唔記得帶優惠卡用唔到優惠，真係蝕咗， 食完米芝蓮餐廳，今日因趕時間同要慳錢，所以要捱麵包。」她謂本身胃食，平貴食物都會吃， 最重要好食。

陳曉華(Hera)表示之前一直都是演較斯文及陽光味較重的角色，希望稍後可以演一些有型格的角色，因此希望嘗試拍動作戲， 就算要她剪短頭髮甚至Skin head都可以。演技曾被批評的她，早前就跟隨戲劇導師學戲，而同班同學有姜濤及戴祖儀，問到可有被姜濤電暈？ Hera笑說：「我哋好認真嘅，大家都好努力去上堂。」她又表示目前已上了10堂學到很多，希望演技方面有進步。

另外，提到她之前跟MIRROR成員Ian(陳卓賢)因買車事件而傳緋聞，更被Ian 的fans責罵，對此Hera不欲多說：「件事都過咗去，唔再提啦，架車都搞掂晒， 件事都過咗咁耐，唔記得啦。」

說到她發福了不少，Hera承認最近肥了不少：「之前量度過脂肪，增加左3至4%， 所以要狂做運動減肥，（去做gym唔驚嗎？ ）都驚，我依家做gym都會戴返口罩，亦會勤洗手，注重個人衞生，因為本身鍾意做運動，希望疫情快啲過，可以回復返正常生活。」

36E「咪神」陳婉衡穿上低胸小背心， 以性感打扮現身， 玩扯大纜遊戲時更因十分投入，令身材若隱若現。事後她笑說：「Ok，還好， (只屬小兒科？)係。」她表示之前因為健身室關閉，自己都懶了做健身而肥了不少， 現時要勤力健身及操練腹肌，問到減了多少磅？她說：「已減咗2kg，距離目標仲有1kg，腹肌就有少少。」

陳婉衡本身有開班做健身導師，她坦言因疫情關係對教班有少少影響 ，身邊的朋友都有受影響， 大家收入都受影響，尤其是近日健身室關閉   所以都希望疫情盡快過去 。