（大文新聞網記者 梁靜儀）薛家燕、區瑞強和兒子區昕進、鄭俊弘與太太何雁詩、 譚嘉儀與媽咪等，昨晚於將軍澳電視城為2021年第一集播出的《流行經典50年》錄影。

家燕姐直言2020年是很難忘的一年，需要大家精神上愛的支持，是以新一年第一集的主題是希望帶動到愛和溫馨給大家，很難得當晚的嘉賓及藝人肯帶同家人一齊演出。問到她為何不叫兒女一起參與演出？家燕姐直言大女和兒子最近工作都比較忙，她有兩個廣告兒子都有份幫手，已4日無瞓，新抱又要返工，而且疫情下，放工還要回家煮飯。家燕姐笑指兒子和新抱吃得非常健康，菜多肉少。問到可適合她的口味？家燕姐笑說：「所以佢哋有佢哋食， 我話唔使客氣，我自己食。」笑問家燕姐可有叫新抱煲湯給兒子進補？家燕姐大讚新抱煲湯很叻， 還經常煲給她飲。

冬至和聖誕將至，家燕姐表示多會留在家中慶祝，一家人叫餸上門煮來吃，她說：「對我嚟講，我覺得好難過， 因為我好鍾意聖誕節嘅氣氛，因為疫情好似冇氣氛，所以心情都有啲哽住，加上男友又唔喺香港，我又去不到，咁至心噏，所以諗下做啲咩可以令自己開心，趁住錄影今年最後一集，我準備咗百幾份禮物，送畀大家開心吓。」

區瑞強表示今次是兩父子首次公開演唱，不過之前他在個人演唱會上，亦試過聯同大仔，三父子一齊合唱。

現年30歲的區昕進樣子酷似爸爸，聽歌口味亦受父親影響，會唱經典歌曲。區瑞強表示節目中會跟兒子合唱英文歌《Right Here Waiting》以及歌曲中文版《紅葉斜落我心寂寞時》，因為兒子雖然在外國讀書，但唱中文歌都可以應付到。問到兒子是否有興趣入行？區瑞強指三十歲入行已太遲， 當業餘玩反而更開心。他指兒子有正職，有自己的製作公司，之前他的八場網上演唱會便是由兒子做監製，他笑說：「 佢間製作公司同我公司合作，但我唔係帶個仔出身，畀少啲錢都唔得。」問到父子合作可會有拗撬？昕進表示未曾因工作鬧交，爸爸亦會給他意見。區瑞強則說：「我覺得以老竇角色去講永遠冇幸福，佢學晒我九成都冇用，之前做網上演唱會亦要請教個仔，認為兩代之間可都以融合。」