（香港文匯報記者 雨航）「黃媒」消費「自己友」嘅手法真係連「同路人」都頂唔順。「本土民主前線」前發言人獨琦（梁天琦）前年暴動罪成入獄，自此慢慢消失喺媒體鏡頭中，點知《壹週刊》近日就用封面報道佢嘅獄中生活，仲形容佢喺「首批『抗爭派』『政治犯』」。作為獨琦支持者嘅《學苑》前副總編王俊杰，大鬧《壹週刊》無恥，話當年獨琦啱啱冒起就被壹傳媒集團瘋狂打壓，𠵱家竟然仲有臉消費獨琦嘅踎監生活。網民就認為《壹週刊》有心混淆視聽，企圖將獨琦嘅「本土派」光環轉移到近年突然出現嘅所謂「抗爭派」身上，方便日後爭選票喎。

《壹週刊》前日以《石壁監獄直擊梁天琦 獨家！踢波健身搣甩煙癮 不斷進修備出冊》為題撰寫封面報道，並配以多張獨琦嘅獄中近照，話佢「獄中自強」，又「願天琦一切安好」咁喎。

王俊杰就喺facebook貼文大鬧《壹週刊》假惺惺：「家人朋友望穿秋水，唯一心願只係想佢早日出返嚟，一直以來有咁低調得咁低調。你本×書冇×晒故仔咩？拎呢啲『獨家』料炒作？咁樣偷拍法，仲好意思話『願佢一切安好』，人唔笑狗都吠啦。」

佢仲火滾到鬧埋「自己人」，話獨琦早前同「泛民」食過吓飯，結果就被啲「本土派」分子笑獨琦「黐『泛民』、變左膠」，𠵱家竟然假惺惺爭住幫獨琦抱不平，真係夠晒陰質。

前「香港大專學界國際事務代表團」成員邵嵐轉發該帖，罵道：「壹週刊出賣手足，始終如一。搞天琦、對『本土派』落井下石、偷拍前學生領袖（港大學生會前會長馮敬恩）拍拖。」

自稱「白兵」嘅「獨派」KOL黃柏裕亦話：「蘋果真心×到盡，當初就撐dead body（楊岳橋）抹黑梁天琦，而（）家就搵佢黎（嚟）作新聞？仲有，乜×野（嘢）首批『抗爭派』？人地（哋）叫『本土派』，你黎智英講到明要打壓既（嘅），含×啦×你老母！」另一「獨派」KOL「本小姐」亦話：「呢啲又公眾知情權呀？我dllm啦壹週刊！」

網民「Yiu Ngan」同「Natalie Li」亦摷返《蘋果日報》同《壹週刊》當年多篇狙擊獨琦嘅報道，回帶質問道：「肥佬黎叫完人『西瓜琦』而（𠵱）家就扮關心？」「Mic Wong」就批評：「封殺完『本土獨派』而（𠵱）家又拎天琦出黎（嚟）消費，好×嘔心阿《蘋果》！」

「Chung Him」則糾正報道：「梁天琦是『本土派』，不是2020年才突然出現的『抗爭派』。」「Kafai Ho」就揶揄：「以前『泛民』班友屈你係『鬼』…現在亡黨…算是報應來到！香港人唔會再支持『泛民』！保重身體！」「Ginger Keung」又踩多腳：「當年偽『泛民』行為割蓆（席）割唔切，劃清界線，宜（𠵱）家輪到佢哋受番（返）他朝君體也相逢（同）感覺。」