據大公文匯全媒體報道，國泰航空近日大裁員，喺連登討論區，成日講要齊上齊落嘅「同路人」唔止冇向被炒嘅空中服務員伸出援手，反而踩多兩腳，話呢班人係「飛雞」，抵佢哋死咁話。前「香港眾志」秘書長黃之鋒就喺fb發文話「不吐不快」，指去年黑暴期間，航空業界同路人一直有力出力，形容空中服務員係「手足」，叫網民對自己人應該「話到口中留三分」。點知，就畀熱血公民成員鄭錦滿鬧爆佢學人主持公道，拜託佢先學好中文啦!鄭錦滿喺fb指原句係「話到口中留半句，理從是處讓三分」，質疑黃之鋒係咪認同連登仔嘅言論，只係唔應該咁坦白?
鄭錦滿還意猶未盡，第二日再引用報章報道追擊話，「黃之鋒點會中文差，佢唔係中文差，係心哋(地)差。」
編輯：曹普普
關鍵詞：香港眾志黃之鋒
評論
查看更多評論>>
加載中……
