謝霆鋒啟德個唱飛炒至17萬　霍汶希籲理性啲：唔好幫襯黃牛

大公文匯全媒體報道，相隔廿五年，謝霆鋒將於今年4月於啟德主場館舉行兩場《Evolution Nic Live謝霆鋒進化演唱會》，更是亞洲首位登上場館開show的歌手。上月的信用卡優先訂購，門票隨即被秒殺，一票難求，近日更有疑似黃牛黨於網上放飛，門票被炒至逾17萬一張。

英皇娛樂集團營運總裁霍汶希（Mani）日前跟英皇集團主席楊受成、久未露面的四哥謝賢、霆鋒及拉姑團拜。對謝霆鋒門票被炒高至六位數字，Mani勸大家要理性購票，「大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。」

謝霆鋒開show，就連阿媽狄波拉都大呻冇飛，楊受成透露：「阿拉姑都嗌晒救命呀！」問到楊受成現在是否唔夠膽聽電話，驚人打去求飛，他直言：「聽（電話）！點會唔聽！我話你哋登記先，到時如果有我就俾你。」再問會否加場？他發揮幽默本色，「你知佢好有性格㗎，冇人可以叫到佢㗎，佢而家諗緊。」