評MIRROR唔係歌星　黎彼得鬧伍仲衡「驕定嚟紅」

（大公文匯全媒體特約記者 陳惠芳）現年74歲的黎彼得（Peter）自離巢TVB後，便轉戰網上頻道並經營節目大爆圈中秘聞。剛舉行完「叱咤樂壇頒獎禮」，他在節目點評現今樂壇，直言他早在10年前已表態「流行曲已死」。

黎彼得在節目中說繼「四大天王」之後，只有陳奕迅接棒，後繼無人，他更直言：「咩軒仔呀？都唔知邊個嚟嘅，更加唔好講MIRROR喇，嗰啲更加巴閉啦，但我哋唔講嗰啲喇，嗰啲都唔係歌星嚟嘅，十零條𡃁仔出嚟跳嚟跳去，又話賣到成幾千蚊張飛，係唔健康嘅嘢。」黎彼得又指《中年好聲音》的一班參賽者是「烏合之眾」：「阿豬阿狗都有。」不過對於《聲夢傳奇》出身的炎明熹、姚焯菲和鍾柔美，黎彼得就大讚三位小妹妹有潛質，但就對炎明熹因續約問題而被雪藏感到可惜。

彼得又大鬧伍仲衡：「因為你上次喺《CASH》嗰個晚會，我見你滿場飛，好似當自己係天王巨星咁，喂，都好難頂啫！你呢種喺我哋娛樂圈講就叫『驕定嚟紅』，又唔係未紅先驕，希望你收斂下啦。」最後黎彼得又預言洪心怡將會命運坎坷，認為她與伍仲衡「攬炒」不值得，直指她是無知少女，未來的路將會荊棘滿途：「真係唔恭喜呀，希望佢轉行啦！」