大公文匯全媒體報道，個個都話移民，唔通個個都適合移民咩？有移英港人發文列出英國10個「匪夷所思」，力踩當地的飲食、文化、教育、氣候等樣樣唔及香港，有網民留言揶揄「唔咁寫點舖路返香港呀」。
查實不少移英港人喺香港生活時已經怨天怨地，去到外地又抱怨呢樣嗰樣唔及香港好，真係好難服侍！該名移民英國港人在社交媒體上一個移英港人群組發帖話，想講下英國之「匪夷所思」，認為如果每人寫一個都可能累積到千位數喎。
樓主率先列出10個「匪夷所思」，提出飲食方面：「點解Local個個肥屍大隻，但lunch只係一包薯片同一盒salad或三文治？點解呢度D嘢可以咁難食？迫到個個由地獄廚神變黑白大廚？」。天氣方面：「點解明知落大雨，D local特別係後生仔女，唔着防水褸，由得自己變落湯雞，型D咩？點解呢度紫外線咁勁，D黑班雀斑多咗一倍」。
樓主亦提到英國的教育和工作方面，「點解呢度D人數口maths可以咁差?基本成數都搞唔掂」、「點解人人話英人做嘢好Hea，但我份份工做到隻狗咁？」、「點解呢度咁多假期？成日諗放假去邊到都好痛苦... ...」。而交通配套亦不見得好，「點解D火車同巴士可以污糟到呢?而且永遠唔會準時?迫到人唔考車唔得?」。
眾所周知在英國睇醫生難，樓主就呻「點解每次辛苦用幾粒鐘約到GP，睇就10分鐘?」。另外，樓主對流行文化亦有意見，「點解街上D後生仔，特別男仔D Dress code全部黑色hoodie(連帽衫)+mask(口罩)+joggers(慢跑者)+trainers(教練)？」，不禁慨嘆「行街見到以為個個係 gangs(幫派)唔敢同佢有眼神接觸，只想盡快逃離現場... ...。」
不過，有網民留言反諷樓主，最匪夷所思是「點解英國咁差都堅持留低嘅？」、「因為想要本真BC(入籍)囉」、「個人負能量纏身咪就睇乜都係負面嘢囉咁」、「唔咁寫點舖路返香港呀」。
