移加港人職場遭恥笑　「好蠢咩都唔識」

大公文匯全媒體報道，近期不少移民加拿的香港人頻頻放負，指生活成本高又難搵工，但就無好好自我檢討下。有移加港人在網上分享職場八卦，指其公司的經理們背地裏一直恥笑一班新請的香港同事，「好蠢咩都唔識」。有網民留言揶揄「香港人好多都淨係識去日本，去飲飲食食，間屋係政府或者父母嘅，根本從來唔需要用腦就咩都有……唔蠢唔廢先出奇。」

該名移加港人在社交平台發文指，自己做零售業，入職以來，成日聽到經理們話舖頭做存貨班人好蠢，「佢哋啲初嚟加拿大，好desperated要一份工，去empolyment centre求其咩都做，好蠢咩都唔識」。其後，樓主因審計工作，終於見識嗰班成日被人恥笑好蠢嘅人，原來「成！班！都！係！香！港！人！」。

相處後，樓主表示，「聽佢哋講嘢，我都幾肯定佢哋係新嚟，但唔係『乜都唔識／好蠢』嘅香港人，而係平時坐Office嘅」。樓主一開始仲好疑惑點解經理成日話佢哋蠢，「到做咗半晚，我終於知道，佢哋點錯晒啲嘢，明明得兩包嘢攤喺度，佢哋都可以入3、有一行貨係兩個貨架中間，佢哋可以重複點兩次」。

樓主點評指，「身為一個香港人，我真係知依啲唔叫蠢，叫嗱西（俹簁）」、「加上一邊做一邊用流利港式粗口鬧我哋舖頭，叫又西又嗱西」。