大渣哥欠租上百萬全線結業 　網民：黃店就是死路一條！

大公文匯全媒體報道，被揭欠租上百萬的大渣哥昨日在社交媒體宣布會喺未來兩個月全線結業，唔少網民見到呢個消息，熱烈地彈琴熱烈地唱，有網民感嘆「黃店之路，就是死路一條」。

由前港姐冠軍譚小環及蔡強榮（渣哥）夫婦創立的大渣哥茶餐廳及渣哥一九九六懷舊小食店，曾在修例風波期間大發黃絲財。有網民在連登討論區發放大渣哥結業消息，不少網民留言揶揄「冇晒人撐」、「抵Ｘ死，當年批鬥龍門，玩圍爐又出書，真係傻仔先信你講嘢」、「呢間真係幫唔落，當年唱人唱得咁開心」、「玩批鬥結果玩死自己」。有網民就問「條友爭落筆數仲洗唔洗還」、「執笠唔洗還反啲租金？」

有網民大數大渣哥又貴服務態度差，「真係好Ｘ貴，70幾蚊一個飯，食過一次真係唔Ｘ食」、「抵啦，咁做生意，啲侍應串過馬Ｘ」、「唔計政見，佢啲員工真係惡過客人，所以之後冇再幫襯過」。有網民則中肯地咁話：「食過一次，難食到Ｘ街，自問都垃圾咀，基本上全街啲茶記都唔會覺得難食」。