5人茶記埋單$1414　網民一睇：啤酒貴過餐飯

大公文匯全媒體報道，天價賬單？！近日有網民分享在茶餐廳晚膳的經歷，指當日點了魚皮、通菜、雞煲、牛腩煲及啤酒等，結果埋單盛惠1414港元，當中最貴的是10支啤酒共410元，佔賬單金額差不多三成。樓主直言「可一不可再，食物質素一般，試過就算啦」，不少網民都留言指，「這間真係好貴」、「賣啤酒好過賣小菜」。

該名港男於fb群組「香港茶餐廳及美食關注組」上載一張賬單相片，指上周六（5月25日）一行5人到九龍城1間茶餐廳晚膳，「我第一次去呢間食，因為生日飯的緣故，食物真係非常普通」。從賬單可見，樓主一行人點了10道菜，包括：「爽滑鯇魚皮（1份61元）」、「炸雲吞（1份64元）」、「椒絲腐乳通菜（2份136元）」、「豬潤啫煮雞煲（1份99元）」、「枝竹牛腩煲（1份99元）」、「碧綠炒龍躉球（1份188元）」、「沙嗲粉絲牛肉煲（1份99元）」、「燒腩仔（1份146元）」、「椒鹽腰果鮮魷（1份96元）」，飲品方面：「藍妹(支)（10枝410元）」，以及「可樂（1罐16元）」，埋單合計1414元。

不少網民看過賬單後都指，「賣啤酒好過賣小菜」、「酒水最好賺」、「飲飲吓，啤酒貴過餐飯！唔怪啲人北上消費！」有網民認為，「除咗飲嘢貴，其餘都算平，冇相睇真係冇真相」，樓主回覆稱「我開頭冇諗住影相，諗住$1000有找，因為都係普通菜式，但係埋單睇過價錢，先擺上嚟」，但他強調明碼實價，「食物唔算貴，但係質素真係一般」。

有網民則認為「喺香港，正常吖」、「價錢尚可啦，淨飲品已經4xx啦，計落有十碟嘢，冇加一，平均每碟100左右，算合理啦，至於好唔好食就食過至知。」