雯雯鬧爆老公廢兼揀工做　張致恒寧借錢拒拎綜援

大公文匯全媒體報道，昨日是母親節，被網民封為「離婚界KOL」的張致恒（Steven）和太太區燕雯（雯雯）又有新聞喇！雯雯在Ig限時動態發文鬧爆Steven「廢」，指他根本就係揀工，永遠都一堆廢話。

身為四孩之母的雯雯，昨再在Ig限時動態發文，鬧爆老公Steven：「搵晒工、問晒資料、安排晒，都可以咁多藉口唔去見，其實根本就係揀工，永遠都一堆廢話，解決自己點解冇錢，《廢》！」

隨後她再次主動分享自己的苦：「要在兩日內變大錢，除非中六合錢（彩），如果唔係，只有行最後一步，只有行到呢一步，就可以重新生活，加油﹗一定冇事，只有捱過一次，一切就解決。」接着再寫道：「為咗兒子和狗狗，我一定得，什麼都不怕，只要唔係殺人放火，其實都係一個行業。」不過，雯雯未有透露是邊一個行業。

另一邊廂，張致恒於凌晨開live與網民傾偈，他指家庭開支每月要三萬多元，「你諗吓4個仔，奶粉尿片飲食，燈油火蠟，一個月大概都3萬幾。」他又強調，「我知借錢唔係好事，但係我真係冇諗過唔還，我只係依家未有能力去還。」

有網民問點解不申請政府綜援，他就說：「我個人係比較抗拒攞綜援，我知道對屋企嚟講係一件好事，但係因為我細個有經驗，以前我細個時我阿爸有攞過綜援，我好記得每個禮拜都要幫我老竇去沙灘同郊野公園執垃圾，所以變咗我係好抗拒綜援。」他又指，「雖然依家要淪落到問人借錢，但係我覺得攞綜援始終唔係一件好事囉。」