（香港文匯報記者 梁靜儀）電影《來自汪星的你》慈善首映禮昨晚於九展舉行，男主角郭富城（城城）、導演陸可及剪接師林安兒出席外，大會並邀得教育局副局長施俊輝擔任主禮嘉賓。城城在戲中飾演一名糖廠工人，在陰差陽錯下變成一隻小狗，之後他費盡力量尋回女兒，並守護在她身邊。城城自認「寵女狂」重陪伴，無懼女兒呷醋，望做囡囡的好榜樣。
城城受訪時表示最難演的是要將他對女兒所有的愛及思念的眼神畫成動畫，再將真人及動畫合成， 這點要花很多時間及金錢，導演大膽的新嘗試亦是他欣賞的。
方媛攜愛女撐場
育有兩名女兒的城城，現時除了工作，對他來說最重要的就是家庭，而影片是講父親守護女兒，他覺得影片好適合兩個女兒欣賞，所以昨晚太太方媛都有攜同兩個女兒入場睇戲。 戲中城城有一名七八歲大的女兒， 問到他可怕兩個女兒睇到之後會呷醋？ 城城說：「 兩個女𠵱家長大少少，冇兩年前見到我同另一個小朋友拍廣告咁易嬲，因為佢哋個感覺就好似俾人搶咗爸爸， 但𠵱家佢哋嘅淚點都好低， 有時見我拍戲只係好簡單受傷都會喊，(《九龍城寨之圍城》豈不是不適合女兒睇？) 不但會發惡夢，生病都有可能。」
作為父親的他，表示跟小演員拍戲亦會容易得多，拍攝時亦不時想起自己的女兒，希望將電影中帶出的父愛訊息及正能量釋放出去：「好似戲入面我囡囡成長之後，我同佢講你可以永遠拖住爸爸隻手，某個階段要學懂點樣去面對人生，但爸爸永遠都喺你身邊，只要你相信。（可擔心女兒睇完會喊？）喊係因為感動，係好事，即係啟發到佢思考，知道乜嘢係愛。」
望做囡囡好榜樣
他又自爆跟戲中角色一樣，都是「寵女狂」：「只要佢開心乜都得，不過我嘅寵法唔係物質上面，係心靈上，有時知個女需要我就會出現，例如佢哋知我出去工作，會捱餓等我返屋企至食飯，你會感受到爸爸喺個女心目中嘅重要性，相信每個小朋友尤其係女仔，爸爸係好有安全感。」他坦言最重要的是陪伴，是小朋友成長中的一個重要過程，作為父親要做到這個榜樣。
導演陸可表示今次找郭富城扮狗演出 ，都是監製張家振提議， 當時他也不敢相信：「 真的嗎？他會同意嗎？ 」城城表示睇過導演的分鏡後，覺得很有意義及挑戰，因而促成今次合作。
（來源：香港文匯報B08：娛樂 2024/05/08）
