港女網上「徵男友」移民英國　列出條件「最好有錢」

大公文匯全媒體報道，離鄉別井到外地開展新生活，都會希望有人結伴同行。近日有港女在社交平台「徵男友」，列出自己嘅條件，自稱是一名24歲學生、會移民紐卡素，東拉西扯一大堆後，最後講到明話「最好有錢」喎。

該名港女在社交平台發文，問網民「有冇人想溝我/做個fd(朋友)」，指自己會移民紐卡素，現時24歲女去到英國25歲，是一名學生之餘，亦會做兼職售貨員。佢懊惱地表示「驚識唔到朋友，間U（大學） 好少華人」喎。

她還在帖文羅列出一堆興趣，包括「Netfilx、bbc睇英文劇、煮飯、行街、睇演唱會、唔落club 只去bar會飲酒唔飲烈酒、做gym、對足球0興（無興趣）」，呼籲住在「Durham/Newcastle/Sunderland/附近地區」的男士應徵。而重中之重當然放最尾，港女話對國籍冇要求，但「最好有錢」。

帖文一出即引起網民熱議，指港女是「處心積慮之女」、「呢個要求好有要求」、「當見到當事人嘅真實樣貌...」。有網民揶揄「紐卡素三大名物：足球、夜生活、歌劇，三樣都冇興，咁收得皮了」，有人則直指「作為一個男人唔介意你唔睇波，但會介意你開口埋口講錢！」