醫院站頭的士司機拒載老婦　同行不齒響咹影相驅趕

大公文匯全媒體報道，的士服務質素參差，多年來一直被人詬病。一名的士司機亦看不過眼同行的作為，在網上公審對方劣行。樓主指，日前有一位女乘客在葵涌醫院登上排的士站頭的的士，卻被司機拒載，令她無奈要改上樓主的的士，樓主響咹叫對方開車，但對方拒絕離開，樓主於是下車影相，嚇到拒載司機落車「耍冧」。樓主表示，今次不公開影片和錄音，但「格仔相片就當小懲大誡！好自為之」，帖文獲不少網民支持。

該名的士司機在fb群組「的士司機資訊網 Taxi」表示，日前在葵涌醫院的士站等客，有一位老弱婦孺上車，表示自己剛才登上排在站頭的的士，司機聽到要前往美孚便拒載，「話你美孚唔去～要去荃灣」。樓主得悉情況後，認為「點講你都唔通啦…！」

樓主認為「（喺）醫院揀客唔去，可以開車走」，但即使他響咹，對方仍拒絕離開，於是下車影相，「砵你唔走…到我影你相先識走嚟驚！見你落車耍冧驚青程度就知你身有屎！」樓主不公開相關影片和錄音，但上載打格照片，「格仔相片就當小懲大誡！好自為之。」

不少網民支持樓主，批評「的士站拒載，行為極度卑劣，也是無法無天」、「醫院的士站啲客會去得幾遠？要遠就唔好喺呢度排啦！」、「呢啲位都要揀客真係吹脹」。有網民指「啲大佬又要揀客，又要喺醫院，簡直是阻鬼住晒，我哋的乘客被迫唔守規矩，有時唯有截最後嗰架。」