大公文匯全媒體報道，近年頻頻傳出港人移居英國後生活不如意的消息，不少移英港人已回流香港。近日有網民於網上發文，好奇問到有沒有移英港人回流，引來一眾網民紛紛留言，有人歸咎於草率魯莽成行，導致敗走收場；有人因天氣、語言問題，不適應英國生活；亦有人子女教育和經濟問題等回流。
有移英港人近日在fb群組「英國香港人生活交流區」發文，問到「好奇一問：有冇人（或有識人）係申請BNO Visa後，留英國一排，最後選擇回流香港？」帖文隨即引來網民熱議。當中有人歸咎於草率魯莽成行，「根本搞不清居英的目的」、「移民不是工作假期，這是一個人生重要轉捩點。一開始抱着『跟潮流，咪執輸，人走自己又走，大不了返香港』嘅心境，不做好準備工夫，不跟家人從長計議，草率魯莽成行，最終必定浪費大量金錢時間精神，敗走收場」。
有人就因不適應英國生活，「有聽過唔適應英國冬天，特別思鄉」、「識的有4/5個最少，放唔低香港份工」、「我識兩個老人家，相信係佢哋唔識揸車，出入覺得唔方便，加上啲後生冇咩時間陪佢哋，所以回流香港」。
當初口口聲聲為子女的移民，亦因為子女的教育問題回流，「我以前有啲親戚啲仔女，話去英美澳出國留學，冇兩個月就喊晒口話要返香港，啲老豆老母都冇辦法，有啲嘢勉強冇幸福」、「有呀，佢話覺得香港教育適合小朋友多啲」、「我都有聽過，有港爸港媽好似發現新大陸咁，來到先發現這邊的學校原來不用做功課，要帶兒女回歸香港」、「好Ｘ多第一日嚟已經唔諗住長住㗎啦，諗住陪細路仔讀完書就拜拜」。
另有因經濟壓力頂唔順而回流，「搞唔掂生活，一家回流」、「我在UK識一個香港人，老婆仔女連外母都帶埋嚟一家五口，捱咗兩年因經濟問題頂唔順返番香港」、「有朋友在香港搵5萬幾，來到剩係啲cheap工（薪金低的工作）請佢，所以來咗兩年後返番香港」、「有好幾個一家大細回流……更多係夫/妻是旦1人返港工作」。
有網民認為，「未入籍就返咗去都算回流咩其實」、「最多算係嚟英國體驗」、「個個香港人都適合喺英國生活咩？一定唔會囉」。另有網民則「尊重個人選擇」認為，「選擇自己鍾意的生活不要勉強，唔使同別人交代」、「其實一定有，始終好多嘢唔同，如果試過唔得，返去其實無乜問題」。
有網民則忠告老人家移民前要三思，「眼見耳聞太多不孝子女，氹老豆老母過嚟做免費工人兼湊孫，喺英國冇朋友冇收入冇娛樂，移民前就將啲錢貢獻曬畀啲仔女，香港條後路又燒埋……」、「經驗話我知，老人家最好唔好同仔女住同一間屋，同埋有幾多身家千祈唔好畀仔女知」。
