（香港文匯報記者 梁靜儀）佘詩曼（阿佘）和鄭裕玲（Do姐）昨日一同出席護膚品牌活動，阿佘又大讚Do姐保養得很好，要向對方請教護膚心得，Do姐亦大方分享護膚心得，認為護膚是每個女性的終身任務。阿佘稱有好劇本會再返TVB拍劇，想和譚俊彥再合作 。
保養得宜的阿佘，表示護膚方法是每日早晚敷面膜，以往都曾接受過面部射頻護膚療程，做完後卻面部卻瘦到凹陷，覺得不適合自己。
近日因劇集《新聞女王》大受歡迎的阿佘，被問到是否準備戰衣出席明年一月舉行的萬千星輝頒獎典禮？阿佘說：「冇諗咁遠，其實套劇都只係播咗一個禮拜，所有嘢都言之過早，有fans支持已當攞咗獎。（預留咗檔期出席？）我𠵱家仲未知個流程，所以所有嘢都是未知之數。」問到之後會否再幫無綫拍劇？阿佘說：「有好劇本都會。」她又稱今次在《新》劇中跟譚俊彥合作得幾好，可惜對手戲並不多，都想再合作，有機會交流一下。
提到無綫裁員約200人一事，無綫出身的阿佘認為現時各行各業都難做，聽到消息都有唔開心，希望受影響的人可以找到工作，維持到生活。說到無綫出現「逃亡潮」，多位小生花旦相繼離開，作為過來人的阿佘就回應：「每人都有自己的選擇，如果覺得佢嘅去向會發展得好啲、多機會嘅話，都不妨試吓。」
小心說話唔做壞榜樣
另外，阿佘在內地綜藝節目《無限超越班》大談悲慘童年的片段，近日又再被翻炒，阿佘直言沒預計到：「藝人公開講每句話都會預咗會被翻炒又翻炒，每句說話都好緊要，唔好做壞榜樣。」
阿佘又稱現時不用隔離，除了工作都會多留在屋企陪媽咪，有時間都會陪媽咪出席飯局。問到媽咪可有安排男生給她認識？阿佘說：「冇，唔會，我冇試過，（媽咪有冇催婚？）冇啊，催完啦，已經過咗嗰個階段，同埋媽咪知道我想要啲咩，（你想要咩？）開心。」
望被裁舊同事有好發展
提到無綫裁員超過200人，Do姐希望受影響的人士會有更好的發展：「裁減當然會唔開心，但另一方面就係逼住你去搵新挑戰，（有冇舊同事搵你幫手搭路搵工？）咁又冇。」對於TVB將交還一條免費電視頻道，J2台（82）和財經體育資訊台（85）將會合併成新頻道「TVB+」，她認為也要諗辦法，希望可以越行越順，越行越好。
早前周潤發（發哥）曾表示想與黃子華及Do姐合作，Do姐笑說：「似乎就冇下文，發哥𠵱家全力做運動員，知道發哥喜歡跑半馬，我為佢打氣，希望做出好成績。」Do姐又大讚發哥以身作則，不會因年紀而放棄。
（來源：香港文匯報B08：娛樂 2023/11/30）
