移英港女恐再被賊光顧　網民笑言「習慣便好」

大公文匯全媒體報道，英國通脹高、失業率高、經濟低迷，治安亦會成正比地愈來愈差。話說早前有移英港女在網上大呻被入屋爆竊，覺得「真係勁灰」，直言好想快些可以搬走。港女再講返都話好驚會爆完再爆，皆因佢業主今年要整幢大樓做維修，差不多半年要經常門常開。有網民笑言「其實爆完一次都冇晒值錢嘅嘢，就唔驚有第二次啦」、「一次生兩次熟，習慣便好」、「破財擋災」，亦有網民認為「條路自己揀，扒街唔好喊！」

該移英港女在fb群組「英國香港人生活交流區」大吐苦水，先提到「昨天返到英國發現被入屋爆竊，真係勁灰，仲要係正門入喎，好想快些可以搬走！」然而，倫敦租盤嚴重供不應求下，很多準租客有錢都租不到心儀單位，港女大嘆「現在搵屋又貴又難，好驚再爆...」！

港女指自己住喺倫敦北嘅「Barnet North Finchley」，提到半年前隔籬屋被人爆過，所以她都打定輸數，話「都知道好快會輪到我㗎啦！」她最不滿是公寓大樓勁多人出入，但「屋苑完全沒有任何security(保全人員」㗎！」而令她愁上加愁的是業主今年要整幢大樓維修，「差不多半年仲要經常門常開呀！」，直言擔心會爆開有條路喎。