連登仔鬧爆黃絲YouTuber　吹噓移民賺盡港人錢又食又拎

不少移咗民嘅黃絲YouTuber成日話香港就「冧」，係咁吹噓外國，又話千載難逢機會之類，呢啲咁嘅蠢嘢，啱晒黃絲心水。但最近有網民在連登討論區發文鬧爆移民YouTuber，指「根本呢班人走咗，但就都係靠賺香港人錢」、「用你哋嘅view數幫佢哋係外地享受錢、玩、住」。

該網民以「建議大家唔好再聽啲移左民既YouTuber」為題發帖，指移民YouTuber離開香港，但就都係靠賺香港人錢，再將賺嚟嘅香港人錢，在英國、日本、加拿大等常見移民地消費。樓主指，移民YouTuber靠嘅就係取笑「留港L」，仲用你哋嘅Views數幫佢哋在外地享受，直指「乜嘢自由嘅空氣，你哋咪又係要靠香港人先有收入，單靠其他能力係外地根本搵唔到錢」，奈何一眾在港黃絲仲要幫佢哋喺外地梳乎。

樓主奉勸移民YouTuber不要一邊賺香港人錢，但又笑人「留港L」，「成日講到移民幾好，你有本事咪嗰邊做嘢個邊賺錢」。有網民留言點名「大J就係最好例子」、「bob叔賺X到笑」，指「係咁㗎啦，香港人就係咁鍾意請人哋食人血饅頭」。

（來源：點新聞）