「爆眼女」藏頭露尾　加國拍片乞課金

在黑暴虐港期間身處尖沙咀暴動現場、聲稱被警方布袋彈「射盲」的所謂「爆眼女」K小姐，被攬炒派拿來編造「警暴」謊言，煽仇掀暴。最近一個自稱「三年前在尖沙咀受傷那個女仔K」，喺網上上載短片講述自己移民加拿大的生活，仲叫大家以後可以叫番佢真名「Karla」，希望大家重新認識佢咁話。最重要，是開了Patreon網上眾籌戶口，請大家課金。有網民就溫馨提示，騙徒手法層出不窮，叫大家小心。

短片主只得一隻狗在草地跑來跑去，未見「Karla」真人亮相，旁白就話佢同男友去年年底已移居加拿大，喺當地試過做唔同工作，最後決定做番本行，即係獸醫護士，話「生活基本上settled晒」、「同香港簡直無得比」喎。

「Karla」提到自己同男友英文都好差，希望拍片可讓一些想移民但因英文差而不敢移民的人，了解他們在外國如何生活喎，並指將暫定一星期上載一短片，擺明呃飯食乞課金。

（來源：點新聞）