（香港文匯報 記者 梁靜儀）黃宗澤（Bosco）在昨晚播出的一集《開心無敵獎門人》中擔任嘉賓，被重提《K歌之王》黑歷史外，41歲的Bosco更被年齡相差十載的蔡思貝嗌「叔叔」，搞到Bosco即時衝上台怒睥思貝。
今集《開心無敵獎門人》，由「獎門人」曾志偉，帶領五位「獎老」錢嘉樂、阮兆祥、麥美恩、程浩駿及吳嘉儀擔任主持，嘉賓陣容有「Bosco隊」Bosco、蔡思貝、陳煒、劉佩玥、朱鑑然，及「草蜢隊」蔡一傑、蘇志威、陳敏之、胡渭康及關楓馨。
此集首個遊戲「開心無敵燈燈燈」，Bosco扮跳艷舞兼玩到腿張開，而陳煒就Chok出誘人Pose扮拍內衣廣告，被笑指「推波助瀾」，惹得全場大笑。蔡一傑則連環擺出梅艷芳、羅文及陳百強經典Pose，最後更追加關德興招牌動作。
劉佩玥在「開心無敵落大閘」環節大擺詠春Pose扮葉問，朱鑑然則爬來爬去扮狗仔，至於蘇志威除了孖住胡渭康大晒麒麟臂外，更即場打側手翻，一顯身手。
陳煒不知「擬結婚通知書」費用
之後在「開心無敵估歌仔」環節中，請來「翻版Eminem」及「翻版Lady Gaga」獻聲，兩人的「精湛」歌喉聽到大家皺晒眉，到蘇志威更扮想衝上台打人。其中要估《K歌之王》時，曾因唱《K歌之王》締造黑歷史的Bosco被揶揄「竟然估唔到」，面露尷尬的他回應：「我冇嘢講！」而在首度重現的經典遊戲「開心無敵口噏噏」中，Bosco再度慘遭攻擊，老友蔡思貝指着他大嗌「叔叔」，Bosco即時衝上台扮嬲怒睥蔡思貝，場面搞笑。
而有備而來的陳敏之，竟穿潛水衣上陣玩「開心無敵彈遮遮」，成功搶鏡。當問陳煒「遞交擬結婚通知書手續費」時，即將升呢人妻的她竟然對此一無所知，反而Bosco忽然自爆：「我對婚姻概念好濃厚，啲人成日講一夜夫妻百二蚊，就百二蚊啦！」獎門人聞言不禁笑說：「我懷疑你交過錢！」可惜答錯，正確答案其實是305港元，大家齊齊受罰淋雨。另一焦點位蔡一傑原來是泰文通，強勁程度甚至不用聽答案就能給出正確答案，並嫌棄獎門人泰文發音不標準。
（來源：香港文匯報A21：娛樂 2022/09/19）
