白色強人2 | 馬國明重口碑多過收視　胡定欣自曝感情戲有睇頭

（大公文匯全媒體 特約記者 陳惠芳）無綫即將推出劇集《白色強人II》，該劇集合3大視帝郭晉安、陳豪、馬國明與2位視后胡定欣、唐詩詠演出，主演今日（18日）齊集尖沙咀為劇集宣傳。

新加入的陳豪不會因第一輯成績好而覺壓力，他在劇中扮演花弗醫生更是有苦自己知，他說：「監製話畀好多女朋友我，但係我由頭到尾都係一支公，好似係浪子，但係得個浪字。」

胡定欣則大讚陳豪的角色魅力十足，對於劇中介入馬國明與唐詩詠的感情，她說：「當初同監製講千祈唔好寫到我係第三者，去拆散佢哋呢一對CP，佢哋CP值太高，同馬國明只係互相欣賞。」定欣自言在劇中感情戲方面雖然平淡，但也甚有睇頭。問到是否有不少親熱場面？她說：「咁又冇，我都想有，其實應該寫我同陳豪。我哋喺戲裏面都係孤家寡人，見佢哋一對對，都係得個望字，流晒口水。」

至於馬國明在新一輯除了與唐詩詠感情出現危機外，作為郭晉安「背後男人」亦一直默默支持。問到無綫近排收視一般，他可有信心憑新劇搶回收視？他說：「依家觀眾睇電視嘅模式已改變，反而我覺得口碑更加重要，聽到內地播出嘅反應都話好睇，對劇集都有信心，今次除咗感情線外，世界觀都好大，講嘅係全世界面對嘅醫療問題。亅 劇集在內地反應好，可希望憑此劇到內地工作搵銀？馬國明表示：「總經理曾志偉都話希望帶藝人到內地工作，都好期待。」 詩詠則透露劇中與馬國明的感情比上一輯深入得多，更需學習愛一個人要如何放手。