（大公報記者 蘇 荣）深水埗鴨寮街一條後巷疑被一名女子長期以紙皮、雜物等霸佔，盡頭位置更被搭建瓦遮頭，成為她和寵物的「小天地」。該後巷多次發生火警，有街坊指全因該女士放置大量紙皮在後巷，只要有一個火種，隨時變成火災，多番投訴仍無改善。深水埗區議員劉佩玉接受大公報訪問，指後巷遭霸佔已是深水埗多年難解的問題，她曾多次在區議會上提出建議，但由於政府部門各自為政，沒有好好協調，不能根治問題。
大公報聯絡上該名女子，人稱「植姐」的她多年來在深水埗一帶執紙皮養活老公、自己和十多隻流浪貓狗，她聲稱月前後巷發生的火警是遭人陷害，「我靠執紙皮為生，又唔係大奸大惡，點解要打壓我？」
「她很熟法例，趕她不到」
人稱植姐的植細美今年55歲，已婚並育有一女，她在鴨寮街已打滾廿多年，曾經與丈夫在排檔賣電器產品，後來丈夫因中風而變成植物人住進老人院，女兒長大後亦甚少與雙親聯絡，植姐便開始自力更生的生活。「每個月攞緊二千二蚊綜援，又要食飯又要煲湯水飲吓，講真邊度夠？唔係我唔想返工，但係我有氣管擴張，要覆診要攞藥，開工時病發又點同老闆講？我而家都係用我嘅勞力執紙皮，好嘅都有百幾蚊㗎！」
由於後巷長期遭植姐佔據，食環署每月都要調派人手來替後巷大清洗，例如上月26日早上八時，食環署人員到場在後巷內的雜物上張貼移走通告，植姐相當熟練地將載滿紙皮的手推車，推到鴨寮街、長沙灣道路邊繼續擺放，其間消防署、地政署和漁護署亦有派員到場。在深水埗工作多年的食環署職員透露，每次清場，植姐都會將貴重物品先帶走，紙皮、雜物等不值錢物品則留在後巷待職員清走，「佢好熟法例，個個部門都嚟過但係都趕佢唔走。曾經有人提議過一齊去申請禁制令禁止佢再喺後巷，但係一聽到要夾錢就無再提起。好哋哋有間公屋唔返去瞓，留喺後巷就係幫人睇住啲貨之嘛！」
劉佩玉慨嘆：「十多年，勸又勸過，社福界又被鬧走，亦有不斷提交建議，而且佢好唔合作，去到呢個階段應該係加強執法，而且要搵可行方案，去阻止後巷嘅雜物和環境衞生問題，最重要係霸佔公地嘅問題，我希望各個政府部門唔好各自為政，可以齊心合力去解決呢個積聚多年嘅問題。」她又說，有居民和店舖租戶都曾向她投訴，每日都擔驚受怕，深怕有一天遇上火警會因後門被封而活活燒死，但有冤無路訴，因怕被報復。
（來源：大公報A5：要聞 2022/06/07）
