余德丞亮相Now台節目講波

（香港文匯報　記者 梁靜儀）余德丞（Dickson）今個月離開無綫後，除為鄭裕玲主持的商台節目《口水多過浪花》做客席主持外，近日更亮相Now Sports節目《Football Party Room》講波，事後Dickson更拍片講感受，稱第一次冇尷尬且非常舒服，並多謝大家對他的包容。

Dickson並將當日的情況拍成短片，再上載到其個人YouTube頻道，影片中他表示收到Now Sports的邀請上節目講波後立即做準備。之後Dickson被三位女嘉賓嘉盈、杰寧公主及Hazel圍住，字幕即時打出他當時心情緊張，一雙手不知放在何處。之後Dickson又叫嘉盈教他做YouTuber，嘉盈就反問Dickson覺得唔好玩？Dickson說：「我覺得好玩呀，不過可以再放啲。」杰寧公主就大讚Dickson在節目中表現好，完全融入到又多話題，搞笑又幽默。Dickson坦言事前都怕被網民叫他：「你走啦。」

事後Dickson又透露大家相處融洽，他亦在屋企樓下拍片講感受：「終於收工返到屋企，我估唔到大家咁愛錫我，畀咁多機會同包容我，每一個人都對我好體貼，好好，真係衷心多謝佢哋令我第一次冇尷尬同舒服，多謝你哋。」

（來源：香港文匯報A24：娛樂 2022/05/13）