郭榮鏗任「學人」　網民譏攬炒哈佛

（香港文匯報記者 鄭治祖）香港國安法實施後，攬炒派樹倒猢猻散，唔少人都放長雙眼睇啲外國勢力安置到佢哋幾多人。已經離開香港、計劃入籍加拿大嘅公民黨前執委郭榮鏗，近日就被發現竟然出任美國哈佛大學甘迺迪學院亞洲學人，唔少網民都質疑佢有乜學術水平，認為佢出任呢個位真係攬炒哈佛咁話。

雖然郭榮鏗離港時唔聲唔聲，走咗先退黨，但都唔妨礙佢喺校方個人網頁簡介入面，繼續用公民黨個牌頭，形容自己為「公民黨創黨成員」。至於佢做「學人」可以貢獻到啲咩，大概都係繼續按西方議程唱衰香港以至中國啦。

不過，大部分網民都覺得佢冇做學人嘅資格。「Eddy Tong」質疑：「佢有乜學術水平可以令佢成為亞洲學人？博士學位都無，比（畀）佢去哈律（佛）做學人，咁咪貶低晒啲大學教授！」「Sunny Sam」就認為：「到底佢系（係）邊個代理人已經好消（清）楚。」

「Baldwin Chan」揶揄呢啲就真係攬炒啦，「哈，攬炒埋哈佛……名校喎！原來質素是這樣的。」「Elsa Lai」亦話：「哈佛自降身價！垃圾都可以做學人。」

郭榮鏗咁都可以俾哈佛睇中，睇嚟佢同美國嘅關係真係非同小可喎。