鄭中基尾場下雨淚謝妻兒

（大公文匯新聞網記者　陳惠芳）鄭中基一連三日在中環海濱活動空間舉行的《WEE are Ronald Cheng Drive in Ultra 鄭中基自駕演唱會2021》於昨晚在天公不造美下完成。演唱會期間橫風橫雨，現場音響更在Ronald獻唱《我代你哭》和《無賴》時兩度電力故障，但觀眾陪着他在台下大合唱，他感謝在場觀眾：「真係要多謝在場咁多位觀眾，大風大雨，現場停咗幾次電都唔走。」

可能是最後一場，Ronald在致謝時變得感性，談起太太余思敏（Sammie）及一對子女時更流下男兒淚，他說：「我好多謝我太太，佢一路都好支持我，令我可以做我想做嘅嘢。我都要多謝在場嘅每一位朋友……好對唔住，我唔應該講咁多嘢，等大家喺度淋雨，喺度唱埋最後一首歌《My Only One》，多謝。」

Ronald完騷後在後台接受傳媒訪問時為事故解畫：「我完全冇諗過會停電，但有工作人員解釋畀我聽，話有好多器材都有既定嘅安全措施，例如遇到水浸、漏電等等情況就會自動熄咗，要等所有機器重新開啟。之後如果有機會再做有今次經驗，下次就會做得更加好。」他又希望下次再舉辦戶外演唱會時能避開雨季及寒冷天氣，又指希望能在世界各地開騷：「噚日（前日）太陽娛樂嘅老闆（周焯華）建議我去澳門搞，好多馬來西亞嘅歌迷都想我搞，如果我能夠搞嘅我一定會搞。（台灣呢？）聖誕會搞，但唔係自駕演唱會。」