廖啟智病逝圈中同悼　杜琪峯難過鮑姐痛哭

（大文新聞網記者 陳惠芳）資深演員廖啟智不敵胃癌病逝，終年66歳。智叔的死訊傳出後，不少圈中好友都感愕然和不捨。

曾與智叔合作多部電影的杜琪峯表示，昨晚（28日）與朋友吃飯剛問起智叔病情，想不到回家途中就收到智叔去世消息，他說：「一個咁好嘅演員，咁早離開，好難過，我見過咁多演員，智叔係好專業、性格又好，係演員嘅榜樣，佢嘅離開，係電影界損失，希望敏儀同佢家人可以節哀順變！

魯振順和智叔同屬第八期訓練班出身,他得知智叔離世後，大嘆人生無常，要珍惜眼前人，「我哋一班同學經常有聚會，但去年智叔冇出現,得敏兒來（智叔太太），她冇講乜，我哋以為智叔佢開工。智叔平時都好少講嘢，有心都在心中，祝佢一路好走。」

鮑姐泣不成聲

鮑起靜近年與發哥、智叔一起跑步健身，她接獲智叔死訊時非常傷感，在訪問中泣不成聲。鮑姐早前才拍片為智叔打氣，她哽咽說：「知道呢個消息真係好難過，我仲諗住佢會好返，希過再見到佢一面，可以一齊跑步，原來已經係冇機會。」鮑姐說他們十幾廿歲便認識，好懷念佢，佢喺電影界有好好嘅發展同成績，大家有目共睹。佢又係好nice嘅一個人，教咗好多學生，佢呢生人好豐盛，希望他的家人節哀順變。」鮑姐續說：「上兩星期佢生日，我同方平影咗相，又畫咗生日卡，又錄咗片，唱生日歌佢聽。」

羅敏莊昨晚（28日）在麥花臣開騷，驚聞智叔死訊後，在後台哭着說：「我同智叔合作過幾劇，佢係一位非常好前輩。佢同我老公性格一樣唔太鍾意說話同嘈。」至於何時知道智叔患病？羅敏莊說：「老公同智叔一齊在浸會教學，老公都好口密，冇講過，直至件事公開咗，都要尊重對方，等智叔靜心養病。」她哭着說：「但我真係接受唔到。知道敏兒好堅強，希望佢保重，兩個囝囝釋懷聽聽話話。」