鄭伊健偕80舞蹈員拍MV

（香港文匯報 記者 李思穎）鄭伊健踏入2021年，即發力推出全新歌曲《STRONGER》，並配合他為金融集團拍攝的新一輯廣告，為呼應歌曲充滿活力輕快的調子，導演特別找來蘇麗珊 （Cecilia）與80位年輕舞蹈員載歌載舞一起拍攝。

動用80位舞蹈員拍MV，伊健也大開眼界，他表示：「紅館開演唱會都冇咁多舞蹈員，平時大概20人左右，所以真係好開心，咁多年輕人一齊跳，大家都付出好大嘅能量，不過衫靚就唔好穿，鞋靚就唔好着，Cecilia你就好啦着波鞋，好似我今日着呢對鞋就係又重又難郁，所以跳舞時真係有苦自己知。」

面對現場如此龐大的舞蹈團，Cecilia 也感到十分雀躍說：「從來冇想像過可以同咁多好專業的舞蹈員一起合作演出，好似紅館開演唱會一樣，希望將來我都有機會喺舞台上同咁多舞蹈員演出。」

因疫情關係，伊健指大家拍攝時都非常小心，做足安全防疫措施：「好開心大家可以一齊工作，大家都有工開有嘢做。睇住大班年輕人一齊喺陽光下跳舞，就好似我哋同香港人一齊嘅經歷，無懼挑戰難關的感覺。」