中大生藏剪鉗圖毀壞判入更生中心

大公文匯全媒體報道，去年11月18日攬炒暴徒圍攻警方防線圖「營救」理大嘅黑暴，當時中文大學男生施朗頴（20歲），喺油麻地佐敦道與志和街交界，保管10個不同型號六角匙及一把剪鉗，意圖在無合理辯解嘅情況下使用該物品，以摧毀屬於路政署嘅圍欄。經審訊被裁定管有物品意圖摧毀財產罪罪成，昨日喺九龍城法院被判入更生中心。

控方案情指，警員去年11月18日凌晨到油麻地佐敦道與志和街交界掃蕩，跟住見被告坐喺Tesla私家車後座，並搜出其背囊內有涉案剪鉗與六角匙。被告喺警誡下聲稱：「阿sir，啲嘢真係我做地盤開工用。」之後被告審訊時無自辯，亦沒提供出入地盤嘅記錄或僱傭證明。

裁判官鄭念慈指，被告自撰求情信稱「願意接受法庭所有處罰」，被告不認罪，覺得悔意有限，但因被告年紀尚輕及身體情況不理想，遂判被告進入更生中心。辯方旋即為被告申請保釋等候上訴，鄭官認為被告在另一案保釋期間干犯本案，而近日棄保潛逃風氣重，加上被告上訴成功機會低，遂駁回其申請。