林德信出席微電影《遇》首播

（大公文匯全媒體記者 梁靜儀）林德信(Alex)與可宜今日出席微電影《遇》首播，Alex表示與可宜相識多年，但合作則是首次，並謂要趁機向準新娘道賀。

提到疫境下不少藝人的工作都要停頓，收入亦大受影響，Alex仍能有工開，他說：「算好彩，好多工作都係疫情前接落，大家要幫大家，我開設既studio多做節目，歡迎其他熱愛音樂啲人一齊開闢新嘅音樂路。」

他又大爆父親林子祥因留家避疫太久，也開始上網睇youtube解悶，更翻看了許多他在網上拍的唱歌片，他笑言因為很多都是多年前「求其」拍下的唱歌片，但爸爸睇完就認真給予意見。Alex笑稱父親跟他談工作多過催他結婚生仔，雖然妹妹已懷第2胎。談到早前他帶同女友Candace一起為父親慶生，是否已融入林家？Alex就笑笑口避答，表示現以工作為主，之後才去想下一個階段。

另外，準新娘可宜原定在12月24日平安夜舉行婚禮，但現因疫情而決定延期至明年暑假，她說：「唔搏喇，係有啲失望，但冇辦法，因為家姐o係英國，而家英國疫情好嚴重，我得一個家姐，想佢見証。」